Posted by: shirish January 1, 2006
Login in to Rate this Post:
0
?
मारिनेको बन्द बक्सामा नया बिधान थियो !
चर्केको बर्तमान र समस्याको निदान थियो !
एकै ठाउँमा अध्यारा रातहरु थुप्रै भेटिए
दिनले अस्वीकारेको उज्यालोको चिहान थियो !
बाचा भने मखमली न्यानो, सिरानी काखको
ऊपहारमा, ओढ्ने आकाश र ढुङ्गे मचान थियो !
कोही स्वतन्त्र छैनन् कि राम्रो हाल सुनाउन ?
बेहाल सुनाउछु भन्नेहरुको बथान थियो !
आफू नचिनेर आफ्नै प्रतिक्रिया घातक भयो
भुसको आंखामा आगो, श्वासमा तूफान थियो !