Posted by: newuser December 22, 2005

अन्तिम शब्दहरु

-न्यूयुजर

तिम्रा लागि

सत्य रहस्यमै रहनेछ

बोल्नै परे

झूठो अभिनय गर्नेछु

क्षमा गर

मेरा अन्तिम शब्दहरु

सम्झ - केहि भएकै थिएन

बिर्स - जे भएको थियो

म चोइट्याइदिनेछु

आत्मकथाका पानाबाट

मधुमासका हिस्साहरु

तिम्रो खुशीका लागि

सपना सिसा जस्तै

विपना पनि उस्तै उस्तै

प्रतिघातमा बज्रिएर

झ-याम्म फुट्यो

मुटु छेड्ने गरी र छचल्किए

मेरा अन्तिम शब्दहरु

काँढा नबिझुन पाइलाहरुमा

ठेस नलागोस आकांक्षाहरुमा

म मौन बस्नेछु

तिम्रा खुशीका लागि

विश्वास गर

मेरा अन्तिम शब्दहरु

-२२ डिसेम्बर