बेंसिथाने पुनि मुन्छे चईनी जाद्रै बाठा के, भउतेको मिलाँ गाको अरे ठिसे । तो पनि किन भनी गैह्रा पारि उकालोमा जिम्माल माईलाकी की भदई खैसराले पुनि सोलि बोकेर मिलतिरै लागेको देखेछ के । ठिसेले चईनी भित्र भित्रै खैसरा लाई मन पराम्चन के। राम्री पुनि बिपत्तै राम्री छ केरे खैसरा त । खाली बोलीवचन भनी अलि ठाडो र उत्ताउलो छ के, नहोस पुनि किन, चईनी अब जिम्माल खलककी चेली परी, जसलाई जे भने पुनि त भओ नि, कसैले हप्काउनी हैन केरे तेस्लाई । हत र पत चईनी मिलाँ पुगेको त बेंसिथानेले चईनी खैसरा लाई पुरै लट्ठ पर्नी गरी गफ हाँकि राको रैच । खैसरा र बेँसिथानेको त पहिले देखिकै कन्टसन (contact + connection) रैच केरे त्यँहा भेट्नी । बेंसिथाने ले खैसरा लाई चईनी "बुझेउ खैसरा, जिम्माल माईलाऽयले (माईला बाले) त माईली आवैँ (माईली आमा) लाई देखेसि फकाम्नी बेलाँ हेऽरि यस्तो अरेर गालाँ चिमोठ्थे अरे क्या " भन्दै उसको गालाँ चिमोट्दो रैच । खैसराले पुनि त्याँसी उसलाई पिटे झै गरेर लखेट्दी रैच केरे, बेसिथाने भनि भागे जस्तो गर्दा रैचन र मिलको घर बाहिर चईनी कुनामा लुक्दा रैचन । त्याँसी खैसरा पुनि लखेटे जस्तो गर्दी रैच, अनि बेँसिथानेले फेरि झुक्काएर च्याप्प समाएर तर्साएँ झै अर्दा रैचन केरे । तेसरी समाम्दा त दुईटैको ज्यान पुनि सिरिङ्ग सिरिङ्ग भाको हुँदो हो नि, मेरा र जमुनिका पालाँ त तेस्तो सिरिङ्ग सिरिङ्ग हुन्थ्यो केरे । ठिसे को त त्यो देखेसि रनाहा छुटेछ र उसको पालो खैसरालाई "देख्लिस ओथारे राँडी, तेही अर्नी हो तेत्री बुढी भएर, पर्खी तँलाई बिर्खे जिम्माल सेनाबा लाई नभन्देर " भनेर थर्काम्दा रैचन । मिल-मालिक भउते भनि रमिता मानेर चईनी रमाईलो मानेर हेर्दा रैचन । "हेर्नुस जवईँ, यो केटा र केटीको मन-मिलती पुनि अचम्मैको हँदो रैच केरे " भनेर भन्दै थिए भउतेले मलाई । keep rolling...