Posted by: SHIV October 10, 2005
Login in to Rate this Post:
0
?
अर्को पनि जाबसनत, यो चै मेट्रिक्सलाइ ..
नैडाँडा काटी आएको
यो धरमा देऊसीले डोर्याको
यो घर कति राम्रो
मनै हर्यो हामर्रो
ए औसी बारो
गाईतिहार भैलो।
यो घरकि लक्षीन कस्ती
साक्षात लक्ष्मी जस्ती
घर भरी टन्ना टन
पैसै पैसा घनै घन
ए औसी बारो
गाई तीहार भैलो।
छानामा फर्सी फलेको
रातो माटोले लिपेको
सेल रोटी खानलाइ
हामी आयौ साथीभाई
ए औसी बारो
गाई तिहार भैलो ।
यो घरमा लक्ष्मी बसेको
घरै धपक्क बलेको
ढुकुटीमा डलर टनाटन
हामीलाइ देउ केही धन
ए औसी बारो
गाई तिहार भैलो ।
हामी तेसै आएनौ
केही नली जाँदैनौँ
झोला हाम्रो खालीछ
मन पनी भारीछ
ए औसी बारो
गाई तिहार भैलो ।
घेरै टाढा जानुछ
सबैलाइ भेटनुछ
छिटो छिटो सीदा देउ
सीदा नदिए बिदा देउ
ए औसी बारो
गाई तिहार भैलो ।