Posted by: Gautam B. August 19, 2005
Login in to Rate this Post:
0
?
![](/wysiwyg/editor/images/smiley/msn/thumbs_up.gif)
![10 more flags than likes deactivates post.](/wysiwyg/editor/images/smiley/msn/thumbs_down.gif)
सधैँ बासी कविता कति पस्कने भनेर आज भर्खर लेखेको ताजा कविता पस्कँदैछु । नपत्याए हेर्नुस्, बाफ अझै उड्दैछ ।
"घर जाँदैछु"
घर जाँदैछु-
परिश्रमी बूढा बा को आडमा
दुनियाँको क्रुरताबाट सुरक्षा
भोलिको लागि आशिक लिन जाँदैछु;
घर जाँदैछु-
हिमालजस्ती आमाको काखमा लुकेर
जिन्दगीका घात र पीडा पखाल्न
एकचोटि डाँको छोडेर रुन जाँदैछु;
घर जाँदैछु-
"आज" ले ठगेका र "भोलि"ले तर्साएका
फुच्चेहरुसँग हाँस्न जाँदैछु;
घर जाँदैछु-
अत्रिप्त प्रेतात्माले अड्किने ठाउँ खोजेझैँ
स्म्रतिको मेरो गाऊँ
र सपनाको मेरो नेपाल खोज्न जाँदैछु ;
घर जाँदैछु,
सपनाको मेरो नेपाल खोज्न जाँदैछु ।
( "फुच्चे" भनेर हुर्कँदै गरेको नयाँ नेपाली पुस्तालाई प्यारपूर्वक सम्बोधन गरिएको हो ।)
(२०६२ को जनै पूर्णिमा)