*** *** *** हुन्न रैछ बासि! गाईको मात्र हैन कुरा, घोडी पनि खाइयो, रसिया देखि केन्यासम्म माया प्रिति लाइयो! अब एउटा बांकि रैछ गिद्दको मासु, "समूद्रपारि जे भो, सो भो, नेपालमा त दिन्न ज्वाँई!" भन्थिन् मेरी सासु! *** *** *** माया प्रिति साटेको त कुटनिति सिक्नलाई हो, दास बनी हलो जोत्छु, तकनीकि सिक्नलाई हो! कोदो छर्ने त्यही बारीलाई अलि नरम पार्नलाई हो, गाईको मासु चाखेको नि उन्नत चौँरी चिन्नलाई हो! *** *** *** कहीले भोट त कैले मधेश गर्नु पर्दो रैछ, परेवाले चारो टिपी, फिर्ने त्यही गुँड रैछ! उमेर छँदै लाहुर जानू, बुढेसकालमा काँसी, गामको माया जाँ बसे नि, के हुन्थ्यो र बासि! *** *** *** समूद्रको बिचमा डुब्दा भए होला भ्रान्ति, यस्तै थियो उमेरको जोस्, गरियो नि अति! आउँछु अब झोला कसी, कैले दिन्छौ शान्ति? जनता जति मारिसक्यौ? कस्लाई गर्छौ क्रान्ति? *** *** ***