नर्वेमा आयोजित संयुक्त पत्रकार सम्मेलनका क्रममा मोदीलाई प्रश्न गर्न खोजेपछि उनी अचानक चर्चामा आएकी थिइन् । त्यसपछि सामाजिक सञ्जालमा तीव्र आलोचना र ट्रोलको सामना गरिरहेकी पत्रकार लिङले आफ्नो Meta अन्तर्गतका दुवै अकाउन्ट बन्द गरिएको बताएकी हुन् ।

सामाजिक सञ्जाल X मा पोस्ट गर्दै उनले लेखेकी छन्, “प्रेस स्वतन्त्रताका लागि यो सानो मूल्य हो, तर मैले यस्तो अनुभव पहिले कहिल्यै गरेकी थिइनँ ।” उनले अकाउन्ट निलम्बनसम्बन्धी स्क्रिनसटसमेत सार्वजनिक गरेकी छन् ।

अर्को पोस्टमा उनले Instagram र Facebook मार्फत सम्पर्क गर्न खोज्नेहरूलाई जवाफ दिन नसक्ने अवस्था आएको बताउँदै अकाउन्ट फिर्ता हुने आशा व्यक्त गरेकी छन् । उनले Meta लाई समेत ट्याग गरेकी छन् ।

यो घटनापछि सामाजिक सञ्जालमा प्रेस स्वतन्त्रता, अनलाइन ट्रोलिङ र डिजिटल सेन्सरशिपबारे नयाँ बहस सुरु भएको छ ।