हेर्दा हेर्दै हाम्रो देश कस्तो बाट कस्तो भयो !! १) भोका मधिसे आइमाईहरुको लडाई: २) सोझा-साझा कर्मचारीहरुको पिटाइ: बिहारीहरुलाई नेपाली नागरिकता नबाडेकै झोकमा रिसिवी लिएको होला, है ? मन्त्रीले सीडीओलाई भकुरिन् चवालीस चवालीस जना मन्त्री भएको माधवकुमार नेपालको मन्त्रिमण्डल साँच्चिकै नमूनै बनेको छ। केही अघिको मात्रै कुरा हो, तमलोपाकी एक मन्त्री चन्दा चौधरीले गाडीको शिशा झ्याम्म झ्याम्म हानेर फुटालेकी। यसपालि चाहिँ फोरम (गच्छदार) को कोटामा मन्त्री बनेकी कृषि तथा सहकारी राज्यमन्त्री करिमा बेगमले हात चलाइछिन्। चन्दाले जस्तो निर्जीव शिशालाई हैन, जिउँदो मान्छेलाई हात हालिछिन् उनले। त्यो पनि चानचुनेलाई हो र, जिल्ला भरको सुरक्षा र प्रशासन हेर्ने व्यक्ति सीडीओलाई भकुरिछिन्। कारण ? कारण चाहिँ उही चन्दा कै जस्तै रहेछ। चन्दा चौधरीले पनि पुरानो गाडी पर्‍यो र बाटोमा घच्याक्क घच्याक्क रोकियो भन्ने रिसले शिशा फुटालेकी थिइन्, यी बेगमले पनि पुरानो गाडी आफूलाई पठाएको भनेर नै पर्साका सीडीओ दुर्गाप्रसाद भण्डारीलाई भकुरेकी रहिछिन्। भएको के रहेछ भने यी मन्त्री आज आफ्नो गृहजिल्ला आएकी रहिछिन्। उनको स्वागतका लागि सीडीओले पठाएको गाडी पुरानो परेछ। त्यही रिस उनले पोखेकी रहिछिन्। अझ यी मन्त्रीको कुरा सुन्नुस् न, पत्रकारलाई हाकाहाकी भनिछिन्, हो, मैले सीडीओ कुटेकी हुँ। कठालो समातेर पाँच झापड हिर्काएकी हुँ। जय होस्, हाम्रो नेपालका मन्त्रीहरुको ! फोरम फोरेरै मन्त्री भएका हुन् यिनीहरु। अनि यिनले अर्काको गाला नफोरेर के गरुन् त। हेर्नुस् त मन्त्री हुनुअघि कस्तोसित फाइट भएको थियो फोरमका यी महिला नेतृहरुबीच- भिडियो हेर्न यहाँ क्लिक गर्नुस्। बिचरा सीडीओ! कसरी गरुन् कारबाही! मन्त्रीलाई कारबाही गर्ने हैसियत कहाँ उनको ? प्रधानमन्त्री पनि बिचरा के गरुन्। १०५ डिग्री ज्वरो आएर बालुवाटारको बेडमा सुतिरहेका छन् रे। अरु कुरा जेसुकै भए पनि महिला मन्त्रीहरुको सशक्तिकरण त बेपत्तैसित भा’को रैछ हगि ! आउनुस् यी महान् मन्त्रीको बारेमा केही जानकारी लिइराखौँ। कतै जम्काभेट भइहाल्यो भने चाहिँ टाढै बस्नुहोला नि- करिमा बेगम पर्सा क्षेत्र नं. १ बाट निर्वाचित भएकी हुन्। उनी ३३ वर्षकी भइन्। मधेसी जनअधिकार फोरमबाट उनले प्रत्यक्षमा चुनाव जितेकी हुन्। २०६१ सालमा नेपाल सदभावना पार्टीबाट राजनीतिक जीवन प्रारम्भ गरेकी थिइन् उनले। तर राजनीतिक सक्रियता भने २०६२ सालदेखि शुरु भएको हो। यसबीच उनी पाँच पटक पक्राउ परिसकिन्। सदभावना पार्टी, महिला मञ्चका वीरगञ्ज नगर अध्यक्ष रहिसकेकी बेगम मधेसी जन अधिकार फोरमका केन्द्रीय उपाध्यक्ष हुन्। भारतबाट माध्यमिक तहसम्मको अध्ययन गरेकी बेगम ३ छोरा, १ छोराकी आमा हुन्। Source: mysansar.com <http://www.mysansar.com/?p=664...> <http://www.mysansar.com/?p=611...> Last edited: 11-Nov-09 07:27 PM