[Show all top banners]

oh

More by oh
What people are reading
Subscribers
:: Subscribe
Back to: Kurakani General Refresh page to view new replies
 बैंक अफ काठमान्डूको लुटिएको रकम कुमारी बैंकका चालकको घरमा
[VIEWED 3632 TIMES]
SAVE! for ease of future access.
Posted on 12-24-12 7:41 PM     Reply [Subscribe]
Login in to Rate this Post:     0       ?    
 

दाङ, पुस ९ - बैंक अफ काठमान्डूको तुलसीपुर शाखा कर्मचारीले नै लुटेको रहस्य खुलेको छ । प्रहरीले सोमबार लुटिएको मध्ये करिब ८७ लाख रकम बरामद गरेको छ ।

तुलसीपुरस्थित कुमारी बैंकमा कार्यरत चालक अमर बोहोराको तुलसीपुर-९ शिवनगरस्थित कोठाबाट ८६ लाख ८९ हजार नगद बरामद भएको प्रहरीले बताएको छ । बैंक अफ काठमान्डूका खजाञ्ची मानपुर दुधराश निवासी खगेन्द्र बस्नेतको योजनाअनुसार कर्मचारी र केही बाहिरका मानिस मिलेर रकम लुटिएको जिल्ला प्रहरी प्रमुख एसपी लोकेन्द्र मल्लले बताए । मानपुर-९ झिंगै निवासी बोहोराले कोठामा दराज र बोरामा राखेको अबस्थामा रकम फेला परेको उनले बताएका छन् ।

'लुटिएको दावी गरिएको बराबर रकम नै बरामद हुँदैछ । हालसम्म आधा जति रकम भेटिएको छ,' मल्लले भने, 'हामी छिट्टै सबै रकम फेला पार्दैछौँ । अन्य ठाउँमा पनि रकम राखेको खुलिसकेको छ ।'

कर्मचारीले नै बैंक लुटेको पुष्टि भएपछि प्रहरीले बैंकका प्रबन्धक ऋषिकैलाश श्रेष्ठ, खजाञ्ची खगेन्द्र बस्नेत र पैंसा राख्ने अमर बोहोरालाई नियन्त्रणमा लिएको छ । 'बैंककै खजाञ्चीले योजना बनाएर लुटेको देखिन्छ,' उनले भने, 'कर्मचारीले योजना बनाएर लुटेको यो नौलो घटना हो ।'

शुक्रबार बेलुका रहस्यमय तरिकाले २ करोड ६ लाख ३१ हजार ८ सय ४४ रुपैयाँ लुटिएको थियो । बेलुकी सवा ६ वजेतिर सन्ध्याकालिन सेवामा रकम जम्मा गर्ने निहुँमा आएका तीन जना युवाहरुले कर्मचारीलाई नियन्त्रणमा लिएर रकम लुटेको बैंकका म्यानेजर श्रेष्ठले प्रहरीलाई बताएका थिए । युवाहरुले १५ मिनेटभित्र म्यानेजर श्रेष्ठसहित एक खजाञ्ची र एक सुरक्षा गार्डलाई नियन्त्रणमा लिएर रकम लुटेको उनले जानकारी दिएका थिए ।

पेस्तोल देखाएर कर्मचारीलाई नियन्त्रणमा लिएको र गार्डको खुकुरी खोसेको बैंकले जानकारी दिएको थियो । प्रहरीले भने यस घटनालाई सुरुदेखि नै शंकास्पद भन्दै आएको थियो । बैंकमा जडान गरिएको सीसी क्यामेरा र सिस्टमसमेत ड्यामेज भएको थियो ।

घटना सवा ६ बजे भए पनि बैंकका कर्मचारीले प्रहरीलाई आठ बजे मात्र खबर गरेको र बैंक सेफको साँचो प्रतिकार नगरेरै दिएको देखिएकाले पनि प्रहरीले घटनालाई रहस्यमय भनेको थियो ।

सन्ध्याकालिन सेवा बेलुका ४ देखि ६ बजेसम्म मात्र खुल्ने भएपनि सानो रकमका लागि ती युवालाई ६ बजेपछि पनि बैंकभित्रै बस्न दिइएको थियो । घटनाबारे अनुसन्धान गर्न बैंकको केन्द्रीय सुरक्षा प्रमुखसहितको टोली पनि तुलसीपुर पुगेको थियो । सीसीटीभी नखुलेपछि केन्द्रबाटै कम्प्युटरको प्राबिधिक टोली आएर खुलाइएको थियो ।

अनुसन्धानका क्रममा बैंकका कर्मचारीले सबै नाटक गरेर आफै रकम लुट्ने मानिस तयार पारेको देखिएको एसपी मल्लले बताएका छन् ।

 

 



प्रकाशित मिति: २०६९ पुस ९ ०३:१५
 


 


Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 60 days
Recommended Popular Threads Controvertial Threads
TPS Re-registration case still pending ..
Anybody gotten the TPS EAD extension alert notice (i797) thing? online or via post?
TPS EAD auto extended to June 2025 or just TPS?
whats wrong living with your parents ?
Why Americans reverse park?
मैले नबुझेका केहि गीत का lyrics हरु
TPS advance parole Travel document i-131, Class of Admission ?
Now Trump is a convicted criminal .
TPS Renewal Reregistration
Does the 180 day auto extension apply for TPS?
Biden said he will issue new Employment visa for someone with college degree and job offers
Shot Dead
" अनि ग्रिन कार्ड बन्यो त ?"
Facts showing how US is worse than Russia
cannot accept Visa candidates
Nims- एक उन्मत्त साँढे
Nepali Passport Renew
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters