[Show all top banners]

comingsoon

More by comingsoon
What people are reading
Subscribers
:: Subscribe
Back to: Kurakani General Refresh page to view new replies
 साकारात्मक सोचँ र सिर्जना बाट सुरुगरौ
[VIEWED 1640 TIMES]
SAVE! for ease of future access.
Posted on 06-13-09 9:04 PM     Reply [Subscribe]
Login in to Rate this Post:     0       ?    
 







यस्तो होस् कान्तिपुरी नगरी
आर्किटेक्ट इन्जिनियरको परिकल्पनामा उपत्यका





सुरज कुँवर


ललितपुर,
उपत्यकाको बाहिरी चक्रपथमा 'मेट्रो' रेल गुडिरहेको छ । पशुपतिनाथको दर्शन
गर्न कलंकीबाट रेल चढेका दर्शनार्थी 'ठ्याक्कै टाइम' मै गौशाला उत्रिए ।

फराकिलो
र चिरिच्याट्ट भित्री चक्रपथमा जताततै साइकल मात्रै देखिन्छन् । 'आइपड' मा
रेशम फिरिरी गीत सुन्दै साइकलमा पाटन दरबार घुमिरहेका विदेशी पर्यटक
वसन्तपुर डबली फन्को मारी भक्तपुर दरबारतिर बढिसकेका छन् । त्यहाँँबाट
नगरकोटको फन्को मार्दै लाँकुरीभञ्ज्याङ, गोदावरी, चन्द्रागिरि, नागाजर्ुन
र सुन्दरीजल पनि साइकल चढेरै घुम्ने उनीहरूको योजना छ ।

विदेशी
मात्रै होइन, अचेल राजधानीवासीको पनि दुईपांग्रे साइकल 'बेस्ट च्वाइस'
बनेको छ । गणतान्त्रिक नेपाल सरकारले साइकल चढ्न प्रेरणा दिने कार्यक्रम
पोखरा लगायतका सहरमा लागू गरेको छ । यो कार्यक्रम देशभरका ग्रामीण भेगमा
पनि सरकारले लागू गर्ने योजना अघि सारेको छ । बाहिरी चक्रपथदेखि धेरै पर
गाउँ छन् । त्यसभित्र मात्रै सहर बसेको छ ।

यो साँच्चिकैको सहर नभए पनि यस्तै दिगो सहरको परिकल्पनामा तयार पारिएको उपत्यकाको नक्सा

हो
। नयाँ नेपाल बनाउन संविधानसभा भवनमा रहेका ६ सय १ सभासद्ले भने यो नक्सा
तयार पारेका होइनन् । यो नक्सा त्रिभुवन विश्वविद्यालय अन्तर्गत पुल्चोक
इन्जिनियरिङ कलेजका स्वदेशी/विदेशी प्राध्यापक सहित १० जना इन्जिनियर
विद्यार्थीले तयार पारको भावी उपत्यका हो ।

उपत्यकाभित्रका
मन्दिर, सांस्कृतिक सम्पदा, नदी र पहाड साइकलमै फन्को मार्न पाइनेे भएकाले
लुक्ला र पोखरा घुम्ने पर्यटकको चाप यता पनि ह्वात्तै बढेको छ ।

उनीहरूको
परिकल्पनामा जता गयो त्यतै साइकलका पाइडल घुमाउनेको लर्को मात्रै देखिन्छ
। धूवाँ फाल्ने सवारीसाधन त आक्कलझुक्कल देखिन्छन् । जो पनि मेट्रो रेल र
साइकल मात्रै प्रयोग गर्छन् ।

राजधानीभित्रका
सबै सुन्दर सडक र गल्ली 'साइकल नेटवार्क' मा जोडिएका छन् । यो नेटवर्क
तराईको वीरगन्ज र नारायणगढसँग पनि जोडिएको छ । सिनामंगलको विमानस्थल निजगढ
सारिएकाले उतिसारो 'हवाई डिस्टर्भ' हुँदैन । वारिपारी शिरीष फुलेका यहाँका
सडकमा धूलोको कण भेटाउन मुस्किल छ । सडकमा निस्किनेले 'मास्क' ले मुख
छोप्नु पर्दैन, न त कपडा नै फोहोर हुन्छन् ।  

वागमती,
विष्णुमती, मनहरा, धोबीखोलामा साँझबिहान नुहाउने, कपडा धुनेको चाप हुन्छ ।
नेवारी बस्तीमा रहेका प्राकृतिक कुवा, पोखरी र इनारबाट खेर गइरहेको
खानेपानी भूमिगत कुलोबाट सिंचाइ र नदीमै निकास गराइएको छ ।

सबै
नदीवरिपरि बाक्लो वन छ । हिमाल र तराईका चराचुरुङ्गीको वासस्थानका लागि
लोकपि्रय बनेका नदीछेउ साइकल कुदाउने बाटा छन् । पानी र घामबाट जोगाउन सबै
नदीछेउका बाटामाथि छाना बनाइएका छन् । छानामा राखिएका पाताले सौर्य ऊर्जा
संकलन गरेका छन् । त्यही ऊर्जाले राजधानीका सडकका बत्ती बाल्ने गरेका छन्

नदी
सफा गर्न सबै बस्तीमा रहेका शौचालय, ढलको पानी खाडलमा जम्मा पारिएको छ ।
पानीका मुहान र जंगल जोगाउने हेतुले उपत्यकाका पहाडछेउ भएका बस्ती,
उद्योग, कारखाना दक्षिणी भेगमा सारिएका छन् । उपत्यकाभित्रको फोहोर
पुनःप्रयोग र पुनःचक्रीय प्रणालीमार्फत उद्योगहरूले उपयोग गरिरहेका छन् ।
'दिगो हराभरा सहरी विकास र गुणस्तरीय जीवन' का लागि पुनःप्रयोग हुने
प्राकृति सामग्रीको उपभोग बढ्दो छ ।

जर्मनकी
आर्किटेक प्राध्यापक याना ड्राइकाउजनको नेतृत्वमा 'आर्किटेक्चर एन्ड अर्बन
प्लानिङ' विभागले तयार पारेको नक्साजस्तै सहर बनाउन भने सम्भव रहेको
सहप्राध्यापक संगीता सिंहले दाबी गरिन् ।

'नेपाली
स्रोत र परिकल्पनामा यो सम्भव छ,' जर्मनबाट इन्प|mास्टक्चर प्लानिङ अध्ययन
गरेकी इन्जिनियर सिंहले भनिन्, 'एउटै सरकार भए करिब २० वर्षमा यस्तै सहर
निर्माण गर्न सकिन्छ । जर्मन प्राध्यापक ड्राइकाउजनले आफ्नो मुलुक हाल
नक्सामा रहेझैं उदाहरण दिँदै महानगरवासीको गुणस्तरीय जीवनका लागि यो
अवधारणा आवश्यक रहेको बताइन् ।

नेपाल
सरकारले सामाजिक, सांस्कृतिक र वातावरणीय मान्यतालाई सम्मान गरी यो
अवधारणा अपनाए नेपाल संसारको सुन्दर नगर हुने उनले दाबी गरिन् ।
आर्किटेक्चर एन्ड अर्बन प्लानिङ विभागले मंगलबार महानगरका पूर्वमेयर पीएल
सिंह र केशव विस्थापितलाई समेत सहभागी गराई यो नक्सा देखाइएको थियो ।

'सहरी विकासका जाँगरिला मेयर' भएकाले उहाँहरूलाई यो सम्भव छ भनी पुष्टि गर्न बोलाएको विभागले बताएको छ ।


 


Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 365 days
Recommended Popular Threads Controvertial Threads
श्राद्द
TPS Re-registration
सेक्सी कविता - पार्ट २
TPS Re-registration case still pending ..
What are your first memories of when Nepal Television Began?
पुलिसनी संग - आज शनिवार - अन्तिम भाग
निगुरो थाहा छ ??
ChatSansar.com Naya Nepal Chat
Lets play Antakshari...........
What Happened to Dual Citizenship Bill
Basnet or Basnyat ??
Sajha has turned into MAGATs nest
NRN card pros and cons?
is Rato Bangala school cheating?
मेरो अम्रिका यात्रा -२
Do nepalese really need TPS?
TPS EAD auto extended to June 2025 or just TPS?
कता जादै छ नेपाली समाज ??
susta manasthiti lai ke bhanchan english ma?
Nas and The Bokas: Coming to a Night Club near you
Nas and The Bokas: Coming to a Night Club near you
Mr. Dipak Gyawali-ji Talk is Cheap. US sends $ 200 million to Nepal every year.
Harvard Nepali Students Association Blame Israel for hamas terrorist attacks
TPS Update : Jajarkot earthquake
is Rato Bangala school cheating?
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters