चौतारी ! चौतारी !! चौतारी !!!

२३ औ चौतारीमा धेरै रमाइलो गर्दै भर्खर तिजको रमझम सितै २४ औ चौतारीको छपनी तयार पारेको छु । यि चिटिक्क परेका छपनिमा सितल तापेर रमाइलो गर्न चौतारीका नियमित चौतारीबासि नेपे दाजी,नेपे साइला, बिर्खेमाइला, दादा, पुन्टे, चित्रे,काका,निरे,सन्जु, सिरे, भौते, कुम्ले,गोतामे,ग्वाचे,फुलौरे ,भट्टे, मास्टर्नी नानी,डल्ली,तिरु, ठुल्नानि, प्रिती, मुन्द्रे, लाले, गालब , पिकरेली, कलंकि, साँहिला, आइते,काने,मुखियाबा, लालुपाते, गुरासे, ईश्वर,लाउरे दाई, लुते, नटे, सेर्पिनि, चमेली,लन्लि, रामकिस्ने, रुइना, नेप्चे, बेमानि ,आशे, चिप्ले, परदेशी, पानपाते ,हर्के, यामे , सुभे, हिते ,नारने, कैले, झाक्री, चरीनङ्रगे, बब दाई,
सान्कान्छा, राते, रामे, माने, इन्द्रेणी,हिमाल, फोक्से, डि बी र मिस्टे लाइ ब्वस्था मिलाएको छु ।
यसपाली पुन्टे दाइले बनाएको मसलादार माछा खान पाइयो । प्रिती र तितौरीले बनाको सेल रोटी खान पाइयो अनि मिसले बनाको दर खान पाइयो । यस्तो हो भने त खानैको लागी भए नि तिज बर्षको ४-५ पटक आओस । हुन त तिज चौतारीमा मज्जाले लाको हो, खोइ मिस जुत्ता लार बेस्सरी नाच्नु भएछ कि के हो, चौतारी नि नै बाङगियो । धन्न पुन्टे दाइले होस्टे गरे अनि सप्पैले हैसे गरेर जेन तेन सोझो भयो । कस्सो बांगो चौतारीबाट झन्डै नगुल्टिएको । हुन त फ्याउरको चश्मा लाउदा त सिधै देखिएको थियो अरे के रे । तर रमाइलै हुन्च कैले काही बाङो सिधा हुदा, पुन्टे दाइ धोबिनीको बाट हिडेर आए जस्तै । यसपलालि पनि कथा, कबिता पढ्ने अबसर पाइयो, यसरीनै चौतारीको उचाइ बढाउदै जाउं ।
यसपालि पनि एउटा पत्रकार रिकुटे आएर नाना भाति टास्यो के रे । जे भे नि हामि सप्पै मिलेर त्यसलाइ ठिक पारेम । धन्न मिसले राजिनाम दिनु भको पुन्टे दाइले बिरामि हुदा बर्बराए भनेर । पुन्टे दाइ तेस्ता छैनन् बिचरा, त्यो त बिरामी हुदा बर्बराको मात्रै हो ।
जे भे ने यसो अगुल्टो ठोसेको राम्रै हो, आगो राम्र संग बल्छ नि ।
अनि ठुलि चुइगम खएर नबोले के रे, फेरी भउते भुइमा लडिबुडि खेलेर हास्दा चौतारीबाट गुल्टेला । तेस्को त भर पनि छैन जा पनि गु्ल्टिन्च त्यो त ।


अझै पनि नेपालले तक्मा थप्ने काम गर्दै छ , अझै गर्दै जाओस । अब त चौतारीको महोत्शव पनि आउने लागि सक्यो । धुमधाम तयारी गर्नु पर्छ है । सप्पैले एक एक ओटा सल्लाह दिउ अनि तेही अनुसार गर्नु पर्छ ।
अन्तिममा प्रितीले गाको मिठो गित गाउदै चौतारी -२४ चिटिक्क पार्न तिर लागौ ।

ए चिटिक्कै भा छु रे
पोते र चुराले
मै दङ्ग परेँ, मै छक्क परेँ
सङ्गिको कुराले

ए चिटिक्कै भा छु रे
हिराको टपैले
हो क्यारे साँच्चै
खाउँला झैँ काच्चै
हेर्छन नि सबैले

View/Share this post only

गजब छ नमे!
धन्यवाद् नयाँ चौतारीको लागि। यसपाली टाँसेका फोटुहरु र लेखेका भुमिकाहरु मजाको लाओ, मलाई नि नाचुम नाचुम लाओ :)

..आफू त सानै उमेरैमा लाहुर
आहाssss हाss रिति थिति केहि थाहा छैन
चिठिमा फोटो पठाउने नानी लाई
आहाssss हाss यसपाली त नलै भाछैन

मुहारै हेर्दा चन्द्रमालाई हराउने
आहाssss हाss मनको कुरा भन्नै पा छैन
भागेर जाने कि पन्चे बाजा बजाउने
आहाssss हाss ज्यानलाई तिमि नभै भा छैन..

धेरै राम्रो छ नमे! धन्यवाद!!
नमेलाई धन्यवाद दिने पालो सबैभन्दा पहिले मेरै पर्दो रहेछ। यसपछिको चौतारी त महोत्सव विशेष चौतारी होला।
त्यसपछि दशैंका कुरा गर्न थाल्नुपर्छ। पोहोर यतिखेरैबाट पिङ खेल्न थालिसकिएको थियो.

जिम्मालले उछिनेछन् मलाई, हा हा हा!

हे हे हे गोताएँ अलि अगाडि आइपुगेछु, गित पनि गाउन भ्याईसकेँ :)

thank you , naya chautaree banaaune namee ji lai :)

लु तितौरी पनि यहिँ रहिछिन्।
माम खायौ बा?

को को छ अरु? गफगाफ अरुम न गाँठे!

जिम्माल बूढाको आईतवारको सांझ कत्तिको तुच्च-- तुच्च जाँदैछ नी?
आफू त अड्डामा, अब लन्च हसुर्नी हो!

अब जम्मा २९ दशै बाकी छ ।

खै साँच्चै बुड्यौलि लाएछ अस्तो छ गोताएँ, तुच्च--- तुच्च मा तेस्तोबिधि मन जाँदैन।

'तुच्च--- तुच्च' भनो कि लाले सम्झन्छु। कता लाएछ आजकल?
सिरे चाइँ नेपाल तिर अन्मरियो कि के हो? एउडा गएर दुइटा भएर आउन।
काका बुडाले चौतारी चिहाउनै छाडे जस्ता छन्।

भउते चाइँ उता सत्यजुगे गाममा कस्को गाला कस्तो, चिमट् चामट पार्ने कुरो अर्दै थो।

यस्सो गास टिप्न निस्केको, आउदा त चौतारी भरीन लागिसकेच । धन्यबादको लागि धन्यबाद तर खास चौतारी बनाउने त सप्पै जो परे के रे, तेसैले सप्पैलाइ धन्यबाद जो टक्राएकेरे मुइले पनि !

एउटा पूर्बेली गित-

केटा-

धनकुटा हिलेS दिल चित्तै मिले
हे माया जाउँ हिँड पाख्रिबास
मरिजाने चोला जे हुन्छ होला
हे माया तिम्रो नै लाग्छ आस

केटी-

आधा उमेर तिम्रो गै सक्यो कठै
हे बरै अझ गर्छौ के को आस
तमोर खोला त्यो ढुङ्गे बगर
हे बरै लाग्दैन तिम्लाई लाज

केटा-

सुन्ताला जुनार निबुवा भोगटे
हे माया रस आउँछ आउँदैन
घर छोडि आको आफ्मो कोई नभाको
हे माया बास पाउँछ पाउँदैन

केटी-

जुत्तामा लाऊने त्यो कालो पालिस
हे बरै कपालमा लाएछौ
जता देख्यो राम्री तरुनि हजूर
हे बरै उतैतिर धाएछौ

केटा-

रातोमा सिन्दूर त्यो गोलो टिका
हे माया गाजलपो लाउने कोश
माइत घर बसि छोरा पाऊने भैछौ
हे माया नलाऊनु मलाइ दोश

केटी-

अल्लारे दाईको जोस मात्रै ठूलो
हे बरै रइनछ केहि होश
हात्ति पाल्न भन्दा स्वास्नि गाह्रो भन्छन
हे बरै नलाऊनु मलाइ दोश

केटा-

माङमाङ्गे खोला बाढि है आयो
हे माया ढाकेर बगर
एऊटा स्वास्नि पाल्न नसक्ने हैन
हे माया मन्मा सुर्ता नगर

एउटा हाम्रो पालाको गित। :)

आकाशैमा चील उड्यो धरतीमा छायाँ
गाँठो पारि बाँधिराख मेरै चोखो माया
आहै रेशमको रुमालैमा

बैशमा समून्द्रै पनि तरुँ तरुँ लाग्छ
फाँसि लागि झुण्डिएर मरुँ मरुँ लाग्छ
आहै तिम्रो त्यो कपालैमा

दिउँसोभरि वारिपारि साथि संगि छन भेला
बरु मलाई भेट्न आऊ है साँझको बेला
आहै पारीको जङ्गलैमा

माया पिर्ती लाएपछि दुनियाँको के डर
जीवनमा एकपल्ट नफँस्ने को छ
आहै मोहनी जंजालैमा

कमिज पतलुन लगाऊने नक्कले म ठीटा
तर जन्तिहरुसित बाँधि आउँला है फेटा
आहै दौरा र सुरुवालैमा

आहै रेशमको रुमालैमा
आहै तिम्रो त्यो कपालैमा
आहै मोहनी जंजालैमा

:)

ल गीत जाओस् जाओस्,
थपडी मार्ने हामी छम्।

हैन हो गाम्ले हो, आजकलका गीत पनि के हो एस्तो।
पोइला जान पाम रे ।।

भयो त अब।

धन्यवाद् गालउ!

ल अब यो चाहिँ मेरो अहिलेको जमानाको :)

म त बुढो हैन कान्छि
जुङ्गा आको उमेर चाइँ नखाको
तिमी बुढि भैछौ कान्छि
मुखमा किन रगतै नभाको

तिमी रैछौ खुर्सानिको बोटमा भर्याङ लाउने
बोलाउँदा नि नबोलेर नजिकै नआउने
कहाँ पाइन्छ र कान्छि
ऊमेर खा को जुङ्गा चाइँ नआको

भने जस्तो खोजे जस्तो कहाँ पाइन्छ
खोजे जस्तो पाउन ठुलो तालु चाहिन्छ
कहाँ पाइन्छ र कान्छि
मनको लड्डु खाएछौ अघाउने

म त बुढो हैन कान्छि
जुङ्गा आको उमेर चाइँ नखाको
तिमी बुढि भैछौ कान्छि
मुखमा किन रगतै नभाको

कोमलजीको यसपाली बिहा होला अस्तो छ :)

भउतेजीको पनि यसपालि बिहा होला जस्तो छ ;)

सबजना गुप्तवास गएछन्। ल म पनि हिडें।