Posted by: Nepe August 17, 2007
Login in to Rate this Post:
0
?
![](/wysiwyg/editor/images/smiley/msn/thumbs_up.gif)
![10 more flags than likes deactivates post.](/wysiwyg/editor/images/smiley/msn/thumbs_down.gif)
म केहि समय यता समकालिन वहरबद्ध नेपाली गजलको अध्ययनमा थिएँ । न एक् दुई विरल अपवाद बाहेक सम्पुर्ण बहरबद्ध गजलहरुमा मैले जुन भावदरिद्रता, रसदरिद्रता र यान्त्रिकता देखें, त्यसले मेरो जिब्रोमा खल्लो स्वाद टाँसिदिएको थियो ।
धन्य शिरीषको पछिल्ला तीन गजलका भाव-गहनता र सौन्दर्य-सम्पन्नता - गजलको नशालु स्वाद् मैले मानौं फेरि तान्न पाएँ । साच्चै झुमझुम भैरा'छ ।
बहरमाला र बहरवादी गजलकारका रचनाहरु पढेपछि बहरप्रति मेरो मोहभङग पूर्ण भएको छ । अरु के भनम् ?
गेयात्मकतालाई गजलको अनिवार्यता म सधैं मान्छु । तर गेयात्मकताको लागि बहर अनिवार्य छैन; बहर-स्वतन्त्र सममात्री , समलयी श्लोकहरु गेयात्मक भई नै हाल्छन नि बाबा । म त त्यहि गर्छु, त्यहि हो मेरो सिमाना । माथि कतै भउतेले कोरिदिईसकेका छन् मेरा लागि सटीक शेर ।
परिधी नाघी, खुल्ला सोँच्न सकेन दुनियाँ
त्यसैले त आफै एक सिमाना भैदिएँ
बाई द वे, माथि चलेको मुशा'इरामा मलाइ सारै मन परेका अरु शेरहरु :
समयको परिधीमा दुविधामा पर्यो मन,
मनलाइ थाम्न म आफै रवाना भैदिएँ
(Juggy)
सफलता चुम्नेहरुको उदाहरण बन्न सकिएन
असफलहरुका लागी एउटा सान्तवना भइदिएँ
(Camoflaged)
अन्त्यमा, शिरीषलाई पुन: एक् पटक बधाई र धन्यवाद, यस्ता बेजोड गजलहरु तात्तातै पस्केकोमा । शिरीषको गजल पढ्दा यस्तो लाग्छ, शिरीष समयको स्पन्दन छामिरहेका परिचारक हुन् ।
Nepe