[Show all top banners]

huippa

More by huippa
What people are reading
Subscribers
[Total Subscribers 0]
:: Subscribe
Back to: Politics Refresh page to view new replies
 ओली सरकारको ‘नाच्न नजाने आँगन टेढो’
[VIEWED 1272 TIMES]
SAVE! for ease of future access.
Posted on 09-17-18 6:15 PM     Reply [Subscribe]
Login in to Rate this Post:     0       ?        
 

प्रधानमन्त्री तथा नेकपाका अध्यक्ष केपी ओलीले शनिबार काठमाडौंमा आयोजित एक कार्यक्रममा सरकारको आलोचना गर्नेविरुद्ध कडा रुपमा प्रस्तुत हुन पार्टीका नेता–कार्यकर्ताहरुलाई निर्देशन दिए । आफ्नो नेतृत्वको वर्तमान सरकारविरुद्ध प्रतिक्रियावादीहरुले हमला गरेर जनतामा निराशा पैदा गर्न खोजेको आरोप उनले लगाए । उनले केपी ओलीलाई हमला गरेको छ, मलाई होइन भनेर चुप लागेर नबस्न, अरि·ालको गोलोजस्तै एउटामाथि आक्रमण हुँदा सबै मिलेर झम्टिन आह्वान गरे । के यो एक सरकार प्रमुखले बोल्ने बोली हो ? प्रजातन्त्र÷लोकतन्त्रमा सरकारको कमी–कमजोरीलाई लिएर प्रतिपक्ष, स्वतन्त्र जनता र आफ्नै पार्टी समर्थक र कार्यकर्ताले समेत आलोचना गर्ने प्रचलन छ, गरिन्छ । सरकारले ती आलोचना र विरोधबाट आफ्नो गल्ती सच्याउँछ, सही छ भने निरन्तर काम अगाडि बढाइरहन्छ । सरकारले गरिरहेका गल्ती र कमजोरीको आलोचनामात्र गर्दा पनि सरकारमाथि हमला भएको देख्नु प्रधानमन्त्री ओलीको कायर मानसिकता हो ।


हुनत सत्तासीन शासकहरुले सरकार वा आफ्ना कुनै कदमको विरोध हुनेबित्तिकै त्यसमा राष्ट्रिय र अन्तर्राष्ट्रिय षड्यन्त्र देख्नु र हमला भयो भन्नु नौलो कुरा होइन । राम्रो काम गर्न खोज्ने कतिपय देशभक्त र जनपक्षीय सरकारमाथि षड्यन्त्रपूर्वक हमला पनि हुनेगर्छ । तर नेपालको सन्दर्भमा वर्तमान ओली सरकारमाथि राष्ट्रिय वा अन्तर्राष्ट्रिय कतैबाट पनि हमला भइरहेको स्थिति छैन । बरु सरकारले गर्नुपर्ने काम नगर्दा, चाल्नुपर्ने कदम नचाल्दा अहिले सरकारको ध्यानाकर्षण र आलोचनासम्म भइरहेको हो ।


कञ्चनपुरमा बालिका निर्मला पन्तको बलात्कारपछिको हत्या घटनामा अनुसन्धानमा खटिएका प्रहरीले नै घटनाको दसी प्रमाण मेटाउने अपराध गरे । मारिएकी बालिकाकी आमा–बाबुलाई अनुसन्धान नसक्दै लास बुझ्न र दाह संस्कार गर्न जिल्ला प्रहरी प्रमुखले नै दबाब दिए । शङ्कास्पद व्यक्तिहरुलाई खुला छाडेर प्रमाण लोप गर्न सघाउ पु¥याया । त्यसको विरोधमा कञ्चनपुरका सचेत नागरिक प्रहरीका विरुद्ध सडकमा उत्रे ।

 नागरिक आवाजको सुनुवाई गर्नुभन्दा पनि प्रहरी दमनमा उत्र्यो । त्यसै घटनाका बारेमा प्रधानमन्त्री ओलीले टेलिभिजन कार्यक्रममा असम्वेदनशील भई बोले भने गृहमन्त्री थापाले संसदमा झूटो बोले । त्यसपछिमात्र सडक, संसद र सञ्चार माध्यममा सरकारको आलोचना र विरोध भएको हो । यतिखेर समाचार प्रकाशित गरेको निहुँमा पत्रकारलाई असम्बन्धित ऐन लगाएर थुनामा राखिएको छ । सामाजिक सञ्जालमा कार्टुन पोस्ट गर्दा पक्रेर थुनेको छ । मन्त्रीलाई कालो झण्डा देखाउँदा पक्राउ गरिएका व्यक्तिको हिरासतमै रहस्यमय मृत्यु भएको छ । तर त्यस व्यक्तिको शव परीक्षण गर्न समेत प्रहरी आनाकानी गरिरहेको छ । विधिको शासनको अवधारणा ओली सरकारले बुझ्न सकेको वा बुझ्न चाहेको देखिएको छैन । नागरिकको आलोचना र विरोधलाई ओली सरकारले हमला देख्नु ‘नाच्न नजानको आँगन टेढो’ उखानको चरितार्थ मात्र हो ।



 


Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 7 days
Recommended Popular Threads Controvertial Threads
TRUMP 2016!!! Here is why?
Investing in Land in Nepal..worth it?
"टी पी एस" अत्यन्त जरुरी
fannie mae stock
Mom, dad, I’m coming home
अमेरिका पसेपछिको अनुभव यस्तो ...
Most Visited Thread EVER on Sajha!!! TRUMP 2016!!! Here is why?
Nepali girls try German made momo in Berlin - Vegan friendly options
TRUMP 2016!!! Here is why?
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters