बिचारका बन्दुकहरु
काडांले घोच्यो तिमीलाई,रगताम्ये भए अङ्गहरु
तैपनि सबैलाई फूलले नै स्वागत गर्यौ
आफ्ना सम्झि बिश्वास गर्यो,थिएनन् ति तिम्रा गल्तिहरु।
त्यसैले चलाउ बिचारका बन्दुकहरु
भत्काईदेउ स्वार्थले भरिएका सम्बन्धहरु
बगे बग्छ खोला यंहा,खेल रगतका होलीहरु।
आखिर के पायौ त,घात बाहेक,अनि प्रतिघात बाहेक
त्यसैले जलाईदेउ तिनका सम्झना अनि बाचाहरु
चलाईदेउ,बिचारका क्ष्येप्यास्त्र अनि मिसाईलहरु।
भगवानको रूप लिएर तिम्रा अगाडि यि दानव प्रकट हुनेछन्
साबधान ! लाक्क्ष्या गृह तयार भै रहेछ तिम्रो लागि
त्यसैले तयार गर तिम्रा बिचारका गाण्डिभहरु।
मुसुक्क हांस्दै झुत्तिए तिम्रा आंगनमा ति जालिहरु
सुरक्षित भबिष्यको पुर्ण बिराम खोजेका थियौ तिमिले
यिनले त दिए केबल,अन्योल अनि सुरक्षामा प्रश्न चिन्हहरु।
त्यसैले सिहंनाद गर्दै चलाउ बिचारका बन्दुकहरु
तोडिदेउ ति स्वार्थले उभ्याईएका टहराहरु
बगे बग्छ खोला यहां, खेल रगतका होलीहरु।
उत्तम अपहेलित
मार्केट युनिभर्सिटि
मिलवाकी, वीस्कन्सिन
अमेरिका
मिति: जनवरी २२, २००६
साबधान - नाता रगतको
उसलाई तिम्रो आंशु सित के वास्ता
उ आफ्नै दुनियाँमा हाँसी रहेको हुन्छ
आश्रय खोज्दै तिमी उसको छेउ पुगौला
उ आफ्नै प्रकृती* सँग खेली रहेको हुन्छ।
तिम्रो धर्म संग उसलाइ केहि सबाल छैन भने
तिम्रो धर्म, उसलाई अधर्म हुन सक्छ
उसको धर्मले तिमिलाई पराई ठान्छ भने
"नाता रगतको","भ्रम" तिम्रो तोडिदिये हुन्छ।
उसले न्याय सबै चाटिसक्यो
अन्यायले तिमिलै नै झाटिसक्यो
सोझो औलाले घिउ आउदैन भने
अब औला बंगाये हुन्छ।
साबधान !
आफ्नो सम्झि मन-पेट फुकाउला तिमि
उसले तिमिलाई आफ्नो नठानेको पनि हुन्छ,
उस्को अगाडि किन आफ्ना चोट देखाछौ तिमि
बन्द कोठामा ढुंगाको मुर्ति "अङालि" बरु रोए हुन्छ।
उत्तम अपहेलित
मार्केट युनिभर्सिटि
मिलवाकी, वीस्कन्सिन
अमेरिका
Date - 2-10-06