Posted by: jhaukiri January 30, 2013
Login in to Rate this Post:
5
?
Liked by
स्मृति !
केही भन,
......सुन्छु |
कतिन्जेल बस्छौ
यसरी
- नबोलिकन
- नहेरिकन
- नटेरीकन
कति बोल्थौ |
कति हाँस्थौ |
केही सोध,
.....भन्छु |
कति कुरा छन्
कस्ता कुरा छन्
कति गाह्रो छ,
के भन्ने,
कसरी भन्ने
कुन शब्दले यो
मौनता तोड्ने !
उठ र हेर,
पछाडि छाडेका पलहरु
कस्तो सुत्रिय कुरा गर्छौ तिमी
कुन सुत्रले बाँधिएका थियौ र..?
शुन्यताले खण्डन गर्दैछौ !
बरु सुत !
निस्फिक्री ...
सायद...... तिमीसंगको यात्रा
फेरी एकचोटी जिउन चाहन्छ
अर्धचेत मन ....
सपना त हो ...एकछिन बाँचु
जिन्दगीका छिद्राहरु टाल्दै ..
जसले डुबाए ...
उभर्दो सुर्य !!.
दिन बिते र बिते
मौसम जस्तै..... बर्तमानहरु
मरेर भूत भए ....
कुहिएर गनाउला
भने सोचेकी थियौ होली
तर ताजा छ ....
तिम्रो स्मृति !!