बेलायत आप्रबासी कामदारको लागि खाडी मुलुक भन्दा कम दर्दनाक छैन। न्युन ज्याला , कामको अभाब र कोविडको कहरले सुनौलो सपना बुनेर बेलायत पुगेका धेरै नेपालीहरु पछुताउने गरेका छन् । अमेरिका जस्तै होला भनेर सपना बुनेर १३ वर्ष पहिले बेलायत पुगेका एक दोहारी आधुनिक गाएकले चरम आर्थिक आभाबका कारण आत्महत्या गरेका छन् । करिब डेढ दशकदेखि बेलायतको लण्डनमा बस्दै आएका गायक बद्री केसीले आत्महत्या गरेका छन् । शुक्रबार उपराह्न ४ बजे आफ्नो फेसबुकमा आफ्ना साथी, परिवार र संसारलाई गुडबाई लेखेका केसी आफ्नो कार्यस्थलको हातामा रहेको रुखमा झुण्डिको अवस्था भेटिएको समाजसेवी एवं पाल्पा समाज युकेका अध्यक्ष बाचस्पति रेग्मीले जानकारी दिनुभयो ।
पोखरा स्थायी घर भएका ३२ वर्षीय केसी अध्ययनका क्रममा बेलायत आउनुभएको थियो । केही वर्षअघि नेपाल नै बस्ने गरी फएका केसी पुनः बेलायत फर्किएका थिए ।
लण्डनको मिलहिल स्कूलको क्याटरिङमा काम गर्दै आएका केसी लण्डनको चिरपरिचित गायक थिए । उनी पाँच वर्ष अल्टरसटको नीरमाया दोहोरी साँझमा दोहोरी गायकका रूपमा काम गर्थे भने पछि लण्डन सरेर स्कूलमा काम गर्दै आएका थिए ।