सल्लेरी-५, का भरत सुवेदी कक्षा ४ मा पढ्छन् भन्दा जोकोहीलाई पत्याउन मुस्किल पर्छ । भारी बोक्ने केटाले के पढ्ला र ? भन्ने ठान्छन् सबै । तर, उनलाई नजिकबाट चिन्नेहरू उनको प्रतिभा देखेर छक्क पर्छन् । भन्छन्, "कति मिहिनेती केटो !"

भर्खर उमेरले आठ पूरा भएर नौ वर्षमा टेक्दैछन् उनी । हेर्दा कलिला देखिए पनि उनीभित्रका लक्ष्यहरू छिप्पिसकेका छन् । आफूलाई नै थिच्ने भारी बोक्दा उनको कलिलो थाप्लोमा नाम्लोको डाम छ । र, पनि हरेश खाएका छैनन् उनले । भन्छन्, "भविष्यमा त भाग्यले साथ देला नि !" भाग्यले साथ दिए गाउँकै अस् पतालमा डाक्टर भएर सेवा गर्ने उनको इच्छा छ ।

सधैँजसो कति बेला काठमाडौँबाट प्लेन उडेको साइरन बज्ला भनेर एयरपोर्टमा कुररिहेका हुन्छन् उनी । प्लेन अवतरण गरेमा फाप्लुबाट सदरमुकाम सल्लेरीसम्म यात्रुहरूका सामान बोकेर पैसा कमाउन पाउँछन् उनी । चार वर्षकै उमेरमा एक्ली आमाले समेत छाडेर अर्कैसँग पोइल गएपछि उनको दुःखका दिन शुरू भएका हुन् । गाउँमै फूर्वा शेर्पाको घरमा हुर्किएपछि उनले त्यहीँबाट स्कुले जीवन शुरू गरेका हुन् । तर, अहिले उनी सबैबाट एक्लिएका छन् । भरत आधा घण्टाको दूरीमा रहेको फाप्लुदेखि सल्लेरीसम्म बिहानभर िसामान ओसार्छन् र १० बजेपछि स्कुल जान्छन् ।

भारी बोक्न नपाए पढ् ने मेलो हराउँछ उनको । भरत भन्छन्, "एकपटक बोकेको ८० देखि एक सय रुपियाँसम्म लिन्छु । " कमाएको पैसाले कपी, किताब, डटपेन र कपडाहरू किन्छन् उनी । त्यसबाहेक महिनाको कोठा भाडा दुई सय ५० तिर्नुपर्ने छुट्टै समस्या छ उनलाई । त्यसो त उनलाई पढाउने शिक्षक रामेश्वर कोइराला भन्छन्, "४ कक्षा पुग्दासम्म ऊ दोस्रो भएको छैन ।" हुन पनि हो । काठमाडौँकै जस्तो सेवा-सुविधा र सम्पन्नतामा हुर्किन पाएको भए उनले केही गर्ने थिए कि ? तर, विडम्बना मान्नैपर्छ, अझै पनि काठमाडौँबाट दुई-चार दिन प्लेन नआए उनको पढाइ मात्र होइन, गाँस-वास नै रोकिन बेर छैन ।

गजेन्द्र पोखरेल/सोलु

Where does he live?Why doesn't somebody in Sajha who has access to him open a bank account for him so that people can donate some money which will go directly to him .Even $10 from one individual will be a lot to him.Let us do something for him.I'm ready to donate some for him.I'm sure there are a lot of people out there who will help him too.

goodjob,

send me an email.

I have contacted kantipur let's see what happens and trying to reach somebody in Solu ward no. 4, solukhumbu. If they reply me, then I will post his details here.

Good job?
Got any information ABOUT THIS BOY?Let us help him!!

I'm also ready to help this boy for his education.Small contrbution from all of us will make a difference.

hello anybody knows about this little boy?
let us help him!!