मेरोबारेमा भइरहेका विभिन्न अड्कलबाजीहरूका सम्बन्धमा म प्रष्ट पार्न चाहन्छु । धनगढीका नगरबासीले मलाई पाँच वर्षका लागि एउटा महत्त्वपूर्ण जिम्मेवारी सुम्पिएका छन् । मेरो सम्पूर्ण ध्यान अहिले त्यही जिम्मेवारी पूरा गर्नमै केन्द्रित छ । आफ्नो कार्यकाल नसकिँदासम्म अन्य कुनै पनि राजनीतिक दौडधुपमा लाग्ने मेरो कुनै सोच छैन ।

अहिल्यै त्यस्तो कुनै योजना छैन । मेरो मुख्य प्राथमिकता भनेकै धनगढीको विकास र नगरबासीको सेवा हो । पाँच वर्षका लागि जनताबाट पाएको म्यान्डेट (जनादेश) लाई म कति पनि तलमाथि हुन दिन्नँ । मेरो ध्यान अहिलेको जिम्मेवारी सफलतापूर्वक सम्पन्न गर्नुमा मात्रै छ ।

म कुनै पनि किसिमको राजनीतिक गतिविधिमा लाग्दिनँ । मेरो प्रतिबद्धता सुशासन र विकासका लागि हो । आफ्नो बाँकी कार्यकालभरि म सुशासन कायम गर्न र विकास निर्माणका कामलाई गति दिनमै समय खर्चिनेछु । मलाई विश्वास गरेर जिताउने नगरबासीको शिर झुक्न दिने छैन ।