~ चौतारी १७०~

नयाँ बर्ष तथा क्रिस्मस पर्ब बिशेष

हाँसो ठट्टा र खुसी बाँड्दै, र मुक्तक, कविता, गजल, कथा आदिमा रमाउँदै अनेकन उकाली ओरालीहरु पार गरेर हामी चौतारीको  १६९ औं संस्करणमा आइपुगेका छौं।अहिले यस चौतारी सिमाना पूर्व मेचीबाट बढेर जापानसम्म पुगेको छ भने पश्चिम महाकालीबाट बढेर अमेरिकासम्म बढेको छ।अत एव, सधैं घाम लागिरहने पनि यस चौतारीको विशेषता हो। यस्तो चौतारीमा पाल्नुहुने तपाईंहरुलाई कोटी कोटी स्वागत छ। "जात,धर्म्,लिंग,राजनिति,भाषा,ब्यक्तिगत रिसइबी जस्ता कुरालाइ तिलाञ्जली दिएर मात्रै 'हामी नेपाली' हौ भन्ने र एकआपसमा मित्रभावले रामाइलो गर्न आउनेहरुलाइ चौतारीको बर-पिपल ले हार्दिक स्वागत गर्छ"

कर्मण्येवाधिकारस्ते मा फलेषु कदाचन |
मा कर्मफलहेतुर्भिः मा ते सङ्गोस्त्व कर्मणि ||

आउनुहोस सधैँझैँ यसपाली पनि नयाँ चौतारीमा थकाई मारौँ मायापिरती साटौँ, हाँसो ठट्टाले यो दुईदिने जीवनलाई उल्लासमय बनाउँ! मिठो मिठो खाउँ र खुसि रहौँ! 

यो चौतारीको डिलबाट बिहान सुटुक्क पारीपट्टि चिहाउँदा...आहा! कस्तो मनै आनन्दित तुल्याऊने दृष्य!! त्यो सुनौलो धौलागिरी! त्यो पाखा, त्यो बारी, त्यो पाठशाला, त्यो पसल, त्यो गैह्रो, त्यो लाँकुरी.... कठै त्यो मेरो गाउँ!!

हिमाल माथि घामले सिन्दूर हालेको कहाँ छ ?

सुन हे यात्री यो देश मेरो नेपाल जहाँ छ!

हेर्दामा खाउँ खाउँ चौँरीको छुर्पी खाँदामा चाम्रो ल्हास्सो ल्हास्सो ल्हास्सो शेर्पीनी दिदीले हाँसेको हेर कतिमा राम्रो ल्हास्सो ल्हास्सो ल्हास्सो




सधैंका झैं यस संस्करणमा पनि आगन्तुक पाहुनाहरुलाई nepalean - नमे, Nepe – नेपे दाजी, Birkhe_Maila –जिम्माल बूढा, जिम्माल बा, बिर्खे माइल्दाइ, Poonte – पून्टे दाई, पून्टेदा, Pretty – सान्नानी, Uptowngal – ठूल्नानी, ठूली, Chipledhunga – चिप्ले, Deep- दीप ज्यो, rahulvai - ठुल्दाई, Nepalki_chori - नेप्ची भाउजु , Madness-मदनवा, Ritthe - रिठ्ठे, PallaGhareAntare - अन्तरे, parbatya - पर्वते, SurNaTal - सुन्तले, Serial-लहरे, crazy_love- लप्पू, visitor - बिष्टे, Harka_Bahadur - हर्के , Cheli - चेली Norton - नेत्रे, deepika02-दीपीका, Spring-बसन्ती, keli- केली, Surje - सुर्जे, बैरे, खुशी, perfectionist-पुरे आदि चौतारीवासीहरु हार्दिक स्वागत तथा न्यानो अभिवादन टक्र्याउँछौं।

Meet the world's finest school  teachers, unbeatable students, mischievous  senior citizens,wildest , vacationing revolutionaries, rethinking moderates, instant dreamerspoets, gifted story-tellers, pot smokers,alxoholics, workoholics,home-makers, pretty damsels, fierce contenders, homelanders,laa- hoo-rays, all on the stage of Chautari of Sajhaland (World's first and finest internet  IMPROV in Nepali language)


Running since 7 Sept 2005 in a total of 170 editions.

ए ठिटाठिटि हो स्वस्थानी आजबाट हो? हो भने प्रथम अध्याय भन्नु पर्यो भनेर। गाले हराइहाल्यो।

 

ल हाम्रो देशमा नयाँ वर्ष लाग्यो! नयाँ वर्ष २०१० को शुभकामना-

बुडुम.....बुडुम्....बुडुम्...

ल हाम्रो देशमा नयाँ वर्ष लाग्यो! नयाँ वर्ष २०१० को शुभकामना-

बुडुम.....बुडुम्....बुडुम्...

लौ नेपालाँ नयाँ बर्ख लागेछ, खोलम् खोलम् तीनपाने। हेरी एतिन्जेलसम्म त दूष्ट राष्ट्र हुँदी पनि लागिसक्यो। हाम्रो सीमा नमिचोस्, हाम्रो मामिलामा हस्तक्षेप नगरोस्, बिखन्डनबादीहरुलाई नपालोस्, क्षेत्रीय आतंकबाद फैलाउन छोडोस्, एस् एस् बिले सीमामा ज्यादति नगरोस्।    

ल हाम्रो देशमा नयाँ वर्ष लाग्यो! नयाँ वर्ष २०१० को शुभकामना-

बुडुम.....बुडुम्....बुडुम्...

हर्केजी आज्ञा गर्नुहुन्छ हे बिर्खेन्द्र मुनि तहाँ उपरान्त, माघ शुल्क पूर्णिमाको दिन आउँदा चौतारी नगर षोडषिहरुको चहलपहलले शुशोभित हुँदा, जसरी असंख्य भँगेराहरु बसेको बृक्षमा ढुङ्गा हान्दा एउटा न एउटा भंगेरा तल खस्छ त्यसैगरि, षोडषि नै षोडषि बसेका साउटबक्स नगरी वा चौतारी नगरीमा लहरेमुनिले नजरवाण हान्दा एउटि न एउटि षोडषि मोहित हुने आकांक्षा राखि लहरेमुनी श्री स्वस्थानी परमेश्वरीको व्रत गर्दा भया। माघशुल्क पूर्णिमा दिनदेखि नै हातगोडाको कहिल्यै नकाटिएका नङमा खाक्सि दलि,साइबाबातुल्य कपालमा सेम्फू नामक तरल लेपन गरि,ढलगंगा स्नान पश्चात लहरेमुनी शायरी नामक भजन गुनगुनाउँदै ल्यापटप अगाडिराखि आफ्नो क्युबिकलमा बिराजमान भया। यस्ता लहरेमुनीले नानाभाँति हाउभाउ कटाक्ष गरि साउटबक्स नगरमा भएका षोडषिहरुलाई 'हाइ' गर्दा भया। हाइ गर्दै लहरेमुनिले बत्तिस दन्त देखाउँदा यस्तो लाग्दथ्यो मानौँ शौच गर्न जाँदा पुरानो पँहेलो शौचस्थान टल्किरहेछ। उक्त टल्काईले तिन त्रिलोक चौध भुवन हल्लाउँदा भया। सम्पूर्ण चौतारी जगतभरि पँहेलो प्रकाश परावर्तबन हुँदा जगत नै पँहेलपुर देखिन पुग्या। उक्त टल्काईको प्रकोपले फिलादेफिया नगरिमा रिसोच गरिपाउँ,डाउडर लेखिपाउँ, तारेमाम् भन्दै तारेमाम्को जापसहित तपस्यामा लिन भएका ठूल्दाईमुनिको आशन डग्मगाउन पुग्या। डग्मगाईरहेको आशनदेखि त्रसित हुनपुग्दा ठूल्दाईले मदत पाउने आकांक्षामा 'त्राहिमाम्' भन्न खोज्दा अनुभवी प्रकोप हावि हुन पुगि केवल 'तारेमाम्' मात्र जाप गर्दा भया। आसन डग्मगाउँदै जाँदा गगनबाट पनि नानाभाँतिका असलि ममका डल्लाहरुका वज्रपात हुन पुग्या। उक्त वज्रपातबात अत्यन्त मर्माहत हुनपुगेका ठुल्दाईमुनीले फलस्वरुप गजल नामक भजन गुन्गुनाउन पुग्या। "आकाशबाट मम झर्नै पर्छ भन्ने के छ, झरेको ममले मेरो टाउको ठोक्नै पर्छ भन्ने के छ" भन्दै गजल गुनगुनाईरहेको अवश्थामा फेरि अचानक पहिलेभन्दा अलिक श्वेत प्रकाशले जगत ढाक्न पुग्यो। पँहेलो प्रकाशको प्रकोपबाट पार नपाउँदै आएको श्वेत प्रकाशको कारणले ठूल्दाई त्रसित थिए। त्यत्तिकैमा ठूलो अट्टाहसले संसार फेरि गुञ्जायमान हुन पुग्यो। एउटा ठूलो सुर्य उत्तरतिरबाट आएको देखिन पुग्दा ठूल्दाई एकैपटक दुई सुर्य भएर प्रलय हुनसक्ने आसंकामा फेरि 'तारेमाम्' 'तारेमाम' भन्न पुग्या। जसै उत्तरतिरबाट आउने प्रकाश नजिक पुग्या ठूल्दाई त्यहाँबाट अन्तर्ध्यान भइ मरुटोलनगर प्रश्थान गर्दा भया। उत्तरतिरबाट आउने प्रकाश अर्को सुर्यको नभै,एउटै सुर्यको प्रकाश पुन्टेन्द्र दैत्यको तालुमा टल्कन गई आएको रहेछ। हे बिर्खेन्द्र मुनी, पुन्टेन्द्र दैत्य कस्ता थिए र उनले के के बिघ्न बाधाहरु गरे, र उनको पतन कसरि भयो भन्ने कुरा अर्को अध्यायमा कहन्छु।

ईति श्री हर्केन्द्र पुराणे
चौतारी खन्डे,उटपट्याङमहात्म्यये
हर्काबिर्खैन्द्रोसंवादे प्रथमअध्याय

मरेँ हाँसेर, साइडको कुइरिले बैरेको कथा हो भनेर सोधी, त्यो त जसो तसो बुझाउँथे, अब यो कसो गरी बुझाउने प्रभो! मरें म हांसेर। लोल लोल महालोल 

lol ............. lol............. lol

तारेमाम तारेमाम।

बिर्खे पुराण देखी त्राहिमाम त्राहिमाम।

लोल जिम्माल बा लोल ।

तारेमाम चिप्ले गुरु, ठुली, रामपुरे ।

लोल लोल लोल महा लोल लोल लोल

द्वितिय अध्याय:
हर्केजी आज्ञा गर्नुहुन्छ, हे बिर्खेन्द्रमुनी तहाँ उपरान्त पुन्टेन्द्र दैत्यको तालु टल्केर सम्पूर्ण चराचर जगत ज्वाजल्यमान हुनपुग्दा पुन्टेन्द्र दैत्य अत्यन्तै खुसि भया। पुन्टेन्द्र दैत्य कस्ता भने, शरिर भरी भुत्लै भुत्ला भएका,आँखिभौँ क्रुरसिङ मुनिको भन्दा पनि बाक्लो, तर तालु भने जसरी गंगा नदीको किनारको ढुङ्गा चिल्लो र बन्जर हुन्छ त्यसैगरि पुन्टेन्द्र दैत्यको तालु चिल्लो र बन्जर थियो। अट्टाहास लगाउँदा पुन्टेन्द्र दैत्यका दाराहरु यस्ता लाग्दथे मानौँ कोलम्बसमुनी भन्दा पूर्वका रेड इन्डियनहरुको विषालु वाणहरु लहरै मिलेर बसेका छन्। भुँडि बिशाल तथा गोलो थियो र भुत्ले भुँडिको बिचमा नाइटो यस्तो लाग्दथ्यो मानौँ चारकोसे झाडिको बिचमा फोहोर गुफा बिराजमान छ। उनका खुट्टा मोटा र छोटा थिए र त्यहाँ पनि भुत्लै भुत्लाले भरिएका थिए। टाढा बाट हेर्दा पुन्टेन्द्र दैत्य 'ठँ' जस्ता देखिन्थे भने नजिक आउँदा उनि 'ठ' जस्ता देखिन्थे। हे बिर्खेन्द्र मुनी,तपाँलाई बुझाउँछु, पुन्टेन्द्र दैत्यको केवल भुँडि देखिने हुनाले उनि 'ठ' जस्ता देखिएका थिए र टाढाबाट हेर्दा 'ठँ" देखिनाको कारण चाहिँ उनको तालुमा सुर्यको प्रकाशको परावर्तन भएको हो। यहि परावर्तन सहन नसक्दा ठूल्दाईमुनि अन्तरर्द्यान भएर मरुटोल नगरी गएका थिए, किनकि ठुल्दाईमुनिको नाम 'ठ' बाट नै आउँदथ्यो र उनि त्यसमा कुनैपनि किसिमको दाग लगाउन चाँहदैनथे। यसरि पुन्टेन्द्र दैत्यले नानाभाँति अट्टाहास लगाउँदै साउटबक्स नगरीको एक उध्यानमा पुग्दा भया। अनेकन रंगिचंगि फुल तथा वृक्षहरुले शुशोभित उक्त उध्यानमा अनेकन षोडषिहरु अनेकन वस्त्रालंकार पहिरि खिलखिलाउँदै हाँस्दै थिए। खुसि षोडषि,बिरेन्डि षोडषि, ठुलि षोडषी लगायत अनेकन षोडषिहरुका बिच कुनै राजकुमार जस्तो बस्त्रालंकारमा  रिट्ठेन्द्र मुनि लङगुर जस्तो अनुहार लेपनले छोप्दै अंगुर खाँदै विराजमान थिए। रिट्ठेन्द्र मुनि नजर कटाक्ष तथा अनेकन हाउभाउ कटाक्ष गर्दै कहिले कुनै षोडषीसित नजरवाण चलाउँदथे त कहिले कुनै षोडषिसित नातावाण चलाई दिदि बाहिनि बनाउनमा तल्लिन थिए। रिट्ठेन्द्र मुनि कति बाठा थिए भने,कुनै षोडषिसित मोहित हुन पुग्दा उक्त षोडषिको अत्यन्त नजिकको सखिसित नातावाण चलाई दिदि बहिनि भन्दा थिए। यसरि अनेकन साम दाम दण्ड भेद लगाउँदै षोडषिलाई जाल हाल्नमा तल्लिन भएका रिट्ठेन्द्र मुनीको तल्लिनतालाई भङग गर्दै पुन्टेन्द्र दैत्यको उक्त उध्यानमा आगमन भया। हे बिर्खेन्द्रमुनि तहाँ उपरान्त कसरि पुन्टेन्द्र मुनिले रिट्ठेन्द्र मुनिको शान्ती खोस्दा भया र भ्रान्ती दिँदा भया, तथा कसरी पुन्टेन्द्र मुनि आफैँले खनेको खाडलमा तालुसम्म आफैँ जाकिँदाभया म अर्को अध्यायमा कहन्छु।

ईति श्री हर्केन्द्र पुराणे
चौतारी खन्डे,उटपट्याङमहात्म्यये
हर्काबिर्खैन्द्रोसंवादे द्वितियअध्याय

लोल लोल लोल महा लोल लोल लोल

साँच्चि पुन्टेन्द्र दैत्य कता छन हँ? बिदामा बस्या छन कि?

Happy New Year 2010 to all Chautarians..

तेइ सुर्यमान तालु कथा पढ्ने बिर्खु चन्द्र आचार्य बाजेको खप्पराँ बडेमानको घन झैँ अरी बज्रेसी था पाउलाउ झननननन हुने अरी! तिम्रा ति किरा पर्न नसक्या थुतुनो!

ह्यप्पी निउ यियर है सबैलाई!

बिर्खे ठस्क्या हेर्दिम फेरी भाउ खोज्या तरुनी झैँ गरी! अअई लोप यु बिर्खु! mmmmmmmmuahh!

haamro poonte daa lai k bho launa. yo mero 2 kaan le k sunnu pareko :P. lop u poonte daaaaaaaaa.

happy new year to all

 

तारेमाम गाम्लेहरु ।

सन् २०१० को पहिलो नियमित जदौ ।

लामो छुट्टीले लामै लास्टै अल्छि बनायो कि क्या हो गाम्लेहरुलाई । ट्याम मा उठे, ट्याम मा खाए, ट्याम मै चौतारी धाए पो ग्यास्ट्रिक हुंदैन नि , खै कुरा बुझेको ?? मखुला ??

ठुल्दाइलाई २०१०को पैलो सोमबारको बोर फस हुन दिउम भनेर कुरेर बसेको म त! आउन अघी आइसक्या थें।

ल मेरो तात्तात्तो प्रणाम

ठुल्दाइ त लास्टै बिजी भेर ल्याउनु भएछ यो वीकेन्द, मेरो मिल्दा ठुल्दाइको नमिल्नी, ठुल्दाइको मिल्दा मेरो, खै के खै के

अनी नयाँ बर्ष कसरी मन्हाइयो त ठुल्दाइ?