Is Biswas not a Bengali name? Not that anybody of Bengali decent cannot be Nepali. Maybe I am still disillusioned that Nepali girls are still too innocent to dare marrying someone who is 44 years older, that too a convicted serial killer in jail.
I wonder if there is another story behind this story.
Maybe Shobraj has lots of money/property that will be legally hers once she is married to him. Plus, she will be French Citizen after getting hitched with the French, I guess it does not matter if he is a convicted serial killer.
If Shobraj gets acquitted by Supreme Court, he will have a trophy wife. If he does not, he will have to live rest of his life in prison. But he will be her ticket out of Kathmandu.
- just my 2 cynical cents.
केपी ढुंगाना/नयाँ पत्रिका
काठमाडौं, १९ असार
2008-07-04,Friday,
 |
३२ वर्षअघि नेपालमा पर्यटक युवतीको हत्या गरेको अभियोगमा केन्द्रीय कारागारमा रहेका अन्तर्राष्ट्रिय अपराधी चाल्र्स शोभराज २० वर्षे ठिटीको प्रेममा परेका छन् । शोभराज अहिले ६४ वर्षका भए, भेट्न आउने २० वर्षे प्रेमिका निहिता विश्वासलाई जेलमै चुम्बन गर्न थालेपछि प्रशासनले उनीहरूलाई भेट्न निषेध गरेको छ ।
शोभराजका बाबु भारतीय र आमा भियतनामी हुन् भने निहिताका बाबु भारतीय र आमा नेपाली हुन् । शोभराज र निहिताको प्रेम बसेको दुई महिना पनि भएको छैन, तर प्रेम यति गाढा भएको छ उनीहरू जेलका गि्रल भित्र र बाहिर उभिएर 'टङ
किस' खाएर समय बिताउँछन् ।
तर, जेल-प्रशासनले 'यो अशोभनीय भयो' भन्दै उनीहरूलाई भेट्न रोक लगाएको छ ।
| केन्द्रीय कारागारभित्रैबाट २० वर्षे नेपाली युवतीसँग प्रेमलीला रचिरहेका छन् ६४ वर्षे अन्तर्राष्ट्रिय अपराधी चाल्र्स शोभराज । जेलभित्रै चुम्बन लिन थालेपछि युवतीलाई अहिले प्रशासनले शोभराजसँग भेट्न दिएको छैन |
जेल स्रोतका अनुसार निहिता र शोभराज जेलका डण्डीसँगै भित्र-बाहिर उभिएर 'किस' खान्थे, एक-अर्काको जिउ सुमसुम्याउँथे । अनि निहिताले ल्याएको खानेकुरा दुवै बाँडेर खान्थे । अरू सामान्य बन्दीका आफन्तलाई प्रहरीले धेरैबेर भयो भन्दै भगाउँथे भने शोभराज जोडीको रमिता हेरेर प्रहरी पनि ट्वाँ परेर काम बिर्सन्थे ।
महानिर्देशक देवकोटा पनि शोभराज र निहिताको प्रेमलाई अनोठौ मान्छन् । 'केटी त निकै फुच्ची पो छ त, तर जेलरको कुरा सुन्दा अनौठो लाग्यो,' देवकोटाले भने । उनले खाना पुर्याउन भने निहितालाई अनुमति दिएको जानकारी पनि दिए ।
शोभराज र निहिताबीच 'किस' मात्र होइन, औंठीसमेत साटासाट भएको छ । औंठी साटेर 'इङ्गेजमेन्ट' गरेका उनीहरू शोभराज जेलमुक्त भएपछि बिहे गर्ने योजनामा छन् । उनीहरूले नेपालमा हिन्दू परम्पराअनुसार र पुनः फ्रान्स गएर उतैको परम्पराअनुसार बिहे गर्ने सल्लाह पनि गरेका छन् ।
काठमाडौं जिल्ला र पुनरावेदन अदालतबाट समेत मुद्दा हारेका शोभराज सर्वोच्चबाट जित्नेमा विश्वस्त छन् । शोभराजले मुद्दा जित्नेमा उनकी प्रेमिका निहिता अझ विश्वस्त छिन् । भर्खरै प्लस टु पास गरेकी उनले पत्रकारितामा लागेर राजनीतिक विषयमा रिपोर्टिङ गर्ने लक्ष्य राखेकी छिन् ।
चाल्र्स शोभराजको जन्मकैदविरुद्धको अपिलमा फ्रान्सकी वकिल इसाबेल कौतां-पेरे काठमाडौं आउँदा शोभराज उनको गाइड र दोभाषेको रूपमा काम गर्ने तीक्ष्ण र भरपर्दो व्यक्तिको खोजीमा थिए । पेरेका लागि त्यस्तो मान्छे फेला परेन, जब निहिता त्यही कामका लागि जेल पुगिन्, वकिल पेरे फ्रान्स फर्किसकेकी थिइन् । निहिताले शोभराजलाई मात्र भेटिन् । वकिललाई सहयोग गर्न नपाए पनि निहिताले शोभराजलाई सहयोग गर्न थालिन् । शोभराजले पहिले आफूलाई चाहिएको सामानको सूची दिन्थे, निहिता बजारमा गएर सामान किन्थिन् । उनको यो सहयोग र सद्भाव गहिरो प्रेममा परिणत भएको छ ।
निहिताको रोजाइमा परिवारको समेत सहमति छ । उनको परिवार पनि सर्वोच्चमा विचाराधीन मुद्दामा शोभराजको जित हुने विश्वासमा छ ।
तर, उता शोभराजकी श्रीमती पेरिसमै बस्छिन् । उनीहरूबीच अहिले पनि राम्रो सम्बन्ध रहेको र नियमित फोन-संवाद हुने गरेको शोभराजका वकिल लोकभक्त राणाले बताए । 'शोभराज र श्रीमतीबीच अहिले पनि राम्रो सम्बन्ध छ, उनीहरूबीच खटपट परेको मलाई थाहा छैन,' राणाले भने ।
शोभराजका अर्का वकिल बसन्तराम भण्डारीले शोभराज एउटी युवतीको प्रेममा परेको हल्ला आफूले पनि सुनेको बताए । तर, यसबारेमा आफूलाई सरोकार नभएकोले थप टिप्पणी नगर्ने उनको भनाइ छ । 'भेट्दा मुद्दाको विषयमा कुरा हुन्छ, अरू मलाई के चासो र ?,' भण्डारीले भने ।
३२ वर्षअघि नेपालमा अपराध गरेर भागेका शोभराज चार वर्षअघि नक्कली पासपोर्ट प्रयोग गरी नेपाल आएका थिए । उनलाई नेपाल प्रहरीले याक एण्ड यती होटलको रोयल क्यासिनोबाट पक्राउ गरेको थियो । उनीमाथि अमेरिकी नागरिक क्रोनिजो ब्रोनिचको हत्या र नेदरल्यान्डका हेनरिक विन्ताजाको राहदानी लिएर नेपाल छिरेको अभियोगमा मुद्दा चलाइएको थियो । काठमाडौं जिल्ला अदालतले दुई वर्षअघि फैसला गर्दै सर्वस्वहरणका साथ जन्मकैदको सजाय सुनाएको थियो ।
उनी जिल्ला अदालतको फैसलाविरुद्ध पुनरावेदनसमेत गए । पुनरावेदनले समेत जिल्लाकै फैसलालाई सदर गरेपछि उनी सर्वोच्च गएका छन् । उनको अपिल सर्वोच्चमा विचाराधीन छ ।
को हुन् शोभराज ?
शोभराज सन् १९४४ अपि्रल ६ मा भियतनाममा जन्मिएका हुन् । उनका बाबु भारतीय हुन् भने आमा भियतनामी । उनमाथि अहिलेसम्म १२ जनाको हत्या गरिसकेको आरोप छ । १६ वर्षमै अपराधमा लागेका उनी चोरीको अभियोगमा पहिलोपटक जेल पर्दा
१९ वर्षका थिए । विभिन्न अपराधमा संलग्न भएपछि पुनः पक्राउ हुने डरले उनी सन् १९७० मा भारतको मुम्बई आए । त्यसबेला उनकी श्रीमती क्यान्थल गर्भवती थिइन् । भारतमै उनकी छोरी जन्मिइन् ।
भारतमा पनि उनले कार चोरी गर्ने धन्दा जारी राखे । यो काममा उनलाई श्रीमतीले पनि सघाइन् । उनी बिस्तारै जुवाको सौखिन बन्दै गए । सन् १९७३ मा होटल अशोकामा रहेको गहना पसलमा लुटपाट गरेको आरोपमा उनी भारतमा पक्राउ परे । तर, केही समयमै फरार भए र पुनः पक्राउ परे । उनी धरौटीमा रिहा भए र भारत छोडेर अफगानिस्तानतिर लागे ।
शोभराज र उनकी श्रीमतीले अफगानिस्तानको भ्रमणमा आएका पर्यटकलाई लुट्न थाले । प्रहरीले उनलाई पक्राउ गर्यो । श्रीमतीलाई अफगानिस्तानमै छोडेर शोभराज इरानतिर भागे । जेलबाट छुटेपछि श्रीमती फ्रान्स फर्किइन् । उनले १० भन्दा बढी नक्कली पासपोर्ट बनाएका थिए । यसैको भरमा पूर्वीयुरोप र मध्यपूर्वको भ्रमण गरे ।
इस्तानबुलमा भाइ आन्द्रेसँग उनको भेट भयो । आन्द्रे पनि टर्की र गि्रसमा अपराध गरेर कुख्यात भइसकेका थिए । दुवै एथेन्समा पक्राउ परे । १८ वर्षको जेलसजाय पाए पनि उनी पुनः जेलबाट भाग्न सफल भए ।
लुटपाटका साथै हत्यामा समेत संलग्न हुन थालेका उनी थाइल्यान्ड आए र तीन महिलाको हत्या गरे । हङकङमा तीनजनाको हत्या गरेपछि उनी नेपाल छिरेका हुन् । उनले नेपालमा दुई पर्यटक महिलाको हत्या गरे अनि नक्कली पासपोर्टको सहयोगमा थाइल्यान्ड गए ।
थाइल्यान्डमा खोजी भइरहेको चाल पाएपछि उनी पुनः भारतको कोलकाता हान्निए र इजरायली नागरिक एभोनी ज्याकोभको हत्या गरी उसैको पासपोर्ट प्रयोग गर्दै सिंगापुर गए । उनी पुनः थाइल्यान्ड फर्किए । हत्यामा संलग्न रहेको आशंकामा प्रहरीले पक्राउ गरी सोधपुछ गरेको थियो । तर, चलाख शोभराज त्यसै फुत्किए ।
फेरि मुम्बई र्फकेका उनले हत्याको शृंखला जारी राखे । उनी अपरिचितसँग सहज सम्बन्ध बढाउँथे र चाँडै निकट भएर विष खुवाएर मारेपछि अनुहार जलाएर लास फालिदिन्थे । महिला मार्दा उनी बिकिनीसहित लास फालिदिन्थे । जसले गर्दा उनको उपनाम नै 'बिकिनीकिलर' बन्न गयो । भारतमा उनी पुनः पक्राउ परे । हत्याको आरोपमा अदालतले १२ वर्षको जेलसजाय सुनायो । उनी भारतको तिहाड जेलमा बन्दी थिए । मार्च १९८६ मा उनले जेलभित्रै भव्य पार्टी दिए । प्रहरीसहित सबैलाई नसालु औषधि खुवाएर उनी फरार भए ।
२००३ सेप्टेम्बर १७ मा उनी अचानक काठमाडौंमा देखिए । याक एन्ड यतीको क्यासिनोमा उनी पक्राउ परे । हत्या र जाली पासपोर्ट प्रयोग गरेको आरोपमा उनीमाथि मुद्दा चल्यो र काठमाडौं जिल्ला अदालतको जन्मकैद र सर्वस्वहरणको फैसलापछि उनी केन्द्रीय कारागारमा बन्दी छन् ।
.........i am not being insensative here but man come on publicity stunt?? i wonder what kinda role will she get in a movie.....
You can also log in using your Facebook
