नेपालीको राष्ट्रिय खाना
Posts 25 · Viewed 13617 · Go to Last Post
नेपालीको राष्ट्रिय खाना
( यस व्यंग्य कथाका सम्पूर्ण घटना तथा पात्रहरु पूर्णतया काल्पनिक हुन्)
"नेपालीको होमवर्क गर्नु छ, निबन्ध लेख्नु छ, सिकाइदे न है " मेरो कोठा भित्र छिर्दै भन्यो भाइले । "हुन्छ, ल बस् शिर्षक के हो?" आफूले पढ्दै गरेको किताब छेउ लाउँदै भनें मैले । "
"नेपालीको राष्ट्रिय खाना - चाउचाउ"
"के jpt भन्छ, नेपालको राष्ट्रिय खाना चाउचाउ नै होइन, तँलाई त्यति पनि थाह छैन?"
" अँ होइन होला खुबै, हाम्रो म्यामले त भन्नु भाको नेपालको राष्ट्रिय खाना चाउचाउ भनेर!"
" नेपालको राष्ट्रिय खाना ढिंडो र गुन्द्रुक हो, को म्याम को जे पायो त्यही सिकाउने ?"
"नकरा, आउँदैन भने आउँदैन भन् न, हाम्रो डली म्याम जान्ने कि तँ जान्ने? तँ साइन्स पढ्ने मान्छेलाई के थाह यस्तो कुरा !!! "
यसो भनेर उसले म प्रतिको अविश्वास आनि उसकी शिक्षिका प्रतिको गहिरो विश्वास देखायो । रिसले मुर्मुरिंदै मैले भने -" सब्जेक्ट को के कुरा, त्यति नि थाह हुँदैन कि क्याहो, आफ्नै देशको बारे मा?"
"भो भो। देशको खुब माया लागेर त वर्षैपिच्छे डि भी भर्छेस् !!"
अब चाहिं अति गर्यो उसले, एक झापड कस्न मनलागेको थियो तर कसिन ! दिउँसो उसको स्कुल गएर, जे पायो त्यही पढाउने म्यामकै झाँको झार्छु बरु भन्ने सोचेर म मेरो कोठाबाट निस्किएँ ।
"Excuse me! म डली म्यामलाई भेट्न आएकी, उहाँको विध्यार्थिकी दिदी हुँ ।" पाँचतारे होटलको जस्तो लाग्ने रिसेप्सनमा बसेकी सुन्दर रिसेप्सनिस्टलाई भनें मैले । " हजुर बस्दै गर्नुस म उहाँलाई बोलाइदिन्छु" उनले भनिन् ।
एकछिन पछि एकजना मोटी मोटी, चिम्रा आँखा गरेकी, बोइज् कट कपाल भएकी महिला त्यहाँ आइन् । तिनै रहिछन् डली म्याम । मैले जुरुक्क उठेर हात जोड्दै भनें " नमस्कार ! मेरो भाइ आरोग्य यहाँ Class eight मा पढ्छ ।"
"ओह! तपाईं आरोग्यको दिदी, he is my best student! Teachers' day ma पनि उसले कस्तो राम्रो राम्रो gift दिन्छ नि हौ , teachers लाई तेस्तो respect गर्ने student कहाँ पाइन्छ र आजभोलि , by the way, तपाईं चैं के गर्छ ?"
गुरुको उच्च ओहदामा बसेरपनि गुरु होइन केवल शिक्षिका बन्न सकेकी, नेपाली पढाउने शिक्षिकाको, नेपाली भाषा र मेरो भाइ उनको best student हुनाको कारण सुनेर म तिनछक्क परें ।
"हजुर, मेरो अहिले १२ को जाँच भर्खर सकिएको छ । खास आज हजुरलाई भेट्न आउनुको कारण चाहिं, हजुरले मेरो भाइहरुलाई, नेपालको राष्ट्रिय खाना चाउचाउ हो भनेर पढाउनु भएछ, नेपालको राष्ट्रिय खाना चाउचाउ होइन ढिंडो र गुन्द्रुक हो भन्ने कुरा त म्याडम लाई नि थाहै होला......"
"आम्मै !! गुन्द्रुक त सुन्या हो, but what is डिन्डो ? नेपालको national food चाउचाउ हि भनेर मलाई, मेरो Husband यो स्कुल को प्रिन्सिपल, मिस्टर आर.पी. ले सिकाउनु भाको । and I am sure, Chow chow is the national food of Nepal, yes!" वाक्यको अन्त्यमा "yes" ल्याइन उनले पनि, यो बानी मैले अरु शिक्षकहरु मा पनि देखेकी थिएँ तर नेपाली पढाउने शिक्षिकामा पहिलो पटक देखें । शायद प्रिन्सिपलकी श्रीमती भएकी हुनाले अरु केही पढाउने क्षमता नभएपछि, सबै भन्दा हेपिएको विषय "नेपाली" पढाउन पाएकी होलिन् उनले !
"हुन्छ त त्यसोभए म सरसँगै कुरा गर्छु ।" मैले शान्त हुँदै भनें ।
"OK fine" हल्का रिसाउँदै भनिन् उनले ।
मैले भनेपछि रिसेप्सनिस्टले प्रिन्सिपललाई फोन गरिन् , उनिसँग अहिले नै भेट्न सकिने जानकारी पाएपछि म उनका कोठातिर लागें । बाहिर निस्किंदै गर्दा मैले सुनें " आफूले जान्दै नजानेको Subject मा नि complain गर्न आउने, कस्तो कस्तो मान्छे हौ " शायद डलीले रिसेप्सनिस्टलाई भन्दै थिइन् ।
"Excuse me Sir, May I come in?" प्रिन्सिपलको कोठाको ढोकामा पुगेर भनें मैले । "
"Yes Please! And Be Seated! के कति कामले पाल्नुभो ।"
"मेरो भाइ आरोग्य हजुरको स्कुलमा Class Eight मा पढ्छ " नमस्कार गर्दै भनें मैले ।
" ए !! आरोग्य is a good student, Disciplined छ, अनि पढ्नमा पनि मिहिनेती छ " नमस्कार फर्काउँदै भने उनले ।
"खास कुरा के भने सर, डली म्यामले मेरो भाइको क्लासमा नेपालको राष्ट्रिय खाना चाउचाउ भनेर सिकाउनु भएछ, यस विषयमा उहाँ सँग कुरा गर्दा, हजुरले भनेको भन्नु भो, मैले त कुरै बुझ्न सकिन "
मैले यति भनि सक्न नपाई, कोठामा प्रिन्सिपलको अट्टहास गुन्जियो ।
" हा हा हा, तपाईं नेपालको राष्ट्रिय खाना ढिंडो त गुन्द्रुक पो हो भन्न खोज्नु भा होला होइन ? मलाई यति भन्नुस, अहिले नेपालमा ढिंडो कसले खान्छ ? अनि चाउचाउ नखाने को छ? राष्ट्रिय खाना भनेको त्यो हुनुपर्छ जुन् राष्ट्रमा सबैले खान्छन् अनि रुचाउँछन् पनि ! नेपालमा बच्चा देखि बुढासम्म, राजा देखि रङ्क सम्म सबैले खाने खाजा, खाना जे पनि चाउचाउ त हो, त्यसैले हामी प्रिन्सिपल्सको एउटा टिम मिलेर, चाउचाउलाई नेपालको राष्ट्रिय खाना घोषणा गरियोस् भनेर एउटा निवेदन दिएका छौं, त्यो छिटै आउँछ, मिडियामा ....."
झनै छक्क परें म । हुँदा हुँदा निवेदन नि दिइसकेका रे !! सोर्स फोर्स पुर्याए भने त पारित हुन नि बेर छैन, हाम्रो देशको सरकार त हो, त्यहाँ भन्ने केही कुरा पाइन मैले "हस् त सर त्यसो भए अहिले म जान्छु" यतिमात्र भनें आनि उठेर हिंडें ।
स्कुलको लञ्च ब्रेक भएको रहेछ त्यतिखेर, जाडो को बेला भएकोले होला, शिक्षक- विध्यार्थी सबै आफ्नो आफ्नो ग्रुपमा, घाम ताप्दै खाइरहेका थिए!
"Friends! मलाई चाउचाउमा खसी पर्यो...." खुशी ले गद् गद् हुँदै एकजना शिक्षक चिच्याए ! सबैजना उनलाई बधाई दिन थाले! म भनें भरे भाइलाई के जवाफ दिने भन्ने सोच्दै घरतिर लागें ।
क्रमश: होइन है समाप्त 
Last edited: 07-Mar-08 09:21 AM
Last edited: 07-Mar-08 09:22 AM
Load Previous
पढिदिनुहुने र टिप्पणी गरिदिनुहुने, सबैलाई धेरै धेरै धन्यवाद !!
म: म: लाई राष्ट्रिय खाना बनाए त बरु ठिकै हो नि चित्रे, मीठो नि हुन्छ, फाइदा नि गर्छ ! पोषणका लागि नभइ विभिन्न खाले उपहारका लागि किनिने, बेचिने चाउचाउलाई बनाउन लागे र पो पीर परेको!!
Gyanguru र Yakku लाई Full marks दिनुभएको मा धेरै धेरै धन्यवाद 
।
हाम्ले नि मन परा'र लेख्द्या थेउ क्यार, हाम्रो त नामै निशान छैन त धन्यवाद को लिस्टोमा, घोर कलयुग
रक्षा गर प्रभु
चार जानाले पढेर कमेन्ट गरेकोमा ३ जानाले धन्यवाद खादा आफ्नो नाम नदेख्दा त भन्नु पर्यो नि चेली ज्यु
होस् अब त्यो भनी भनी देको धन्यवाद त नलिने है
Please लिनुस् न रिठ्ठेज्यु! Pleeeaaassseeeeeee,
मैले चित्रेलाई नि धन्यवाद भन्या छैन नि, उहाँको धन्यवाद नि माथि नै आको भएर !!
मेरो धन्यवाद लिनुस् न है, म चाउचाउ ख्वाउँछु नि!!
माथि लेख्या धेरै 'इ' भ'को 'प्लिज प्लिज' देखेर त लिउ कि क्या हो जस्तो लाग्या'थ्यो एकपटक
त्यो तल पट्टी चाउचाउ ख्वाउने कुरा गर्या रइछ, आफुलाई कैले मन नपर्ने
होस् भईहाल्यो नलिने म त
त्यो चाउचाउ लाई मेट्टाएर म:म बनाउन मिल्छ भने चाँही बिचार गर्नै पर्छ
भने पछी १ बुदे सम्झौता होला जस्तो छ है अब चाँही
अब आज शुक्रबार के हस्ताक्षर गराइ भयो र सम्झौतामा
--सोमबार नै गर्नु पर्यो है
म: म: को बास्ना आयो, 
खोइ हाम्लाई नि पाउछ कि
हाम्ले पनि पढेको हो क्यारे,
कमेन्त लेख्न पो नभ्याको,
खोइ हाम्लाई नि पाउछ कि
हाम्ले पनि पढेको हो क्यारे,
कमेन्त लेख्न पो नभ्याको,
"कुनै हिन्दी सिनेमाको प्रख्यात गाना "कजरा रे" लाई राष्ट्रिय गान बनाउने हो त?, " 
साह्रै हाँस उठ्यो ल, कस्तो देखिएला, हाम्रा बुढा बुढा नेताहरुले "कजरा रे" भन्दै राष्ट्रिय गान गाएको !!!!
त्यस्तै छ रिठ्ठे हाम्रो नियति, नातावाद, कृपावाद र घुसवाद को भरमा सबै माथि माथि पुगेका छन् । सबै हामी नेपालीको कारणनै हो जस्तो लाग्छ मलाई; पहुँचवालाहरुले जति गलती गर्दै हिंडे पनि केही भन्न नसक्नु हाम्रै गल्ती त हो नि!! प्रिन्सिपलले राष्ट्रिय खाना नै बदल्ने गफ छाँटिरहेका बेला मैले उनलाई केही भन्न नसक्नु मेरो गल्ती होइन त? नेताहरुलाई पनि के गाली गर्नु, उनीहरुपनि हामी मध्ये कै एक त हुन् !
Thanks to Ritthe(again), Thuldai and lahare for reading this piece of writing and passing the comments.
ल म सबजनालाई म: म: खुवाउँछु है त!!
Last edited: 07-Mar-08 03:15 PM
चेली बहिनी, राम्रो प्रस्तुती, गोच-पेच दरिलो छ। कथा भित्र ब्यङ रस को राम्रो प्रयोग गरेकी छौ। लेख्दै गर। 
रिट्ठे ब्रो, ब्यङलाई वास्तविकता को रुप मा न लिएर ब्यङ को रुप मा लिउ न।
रिट्ठे ब्रो, ब्यङलाई वास्तविकता को रुप मा न लिएर ब्यङ को रुप मा लिउ न।
चेली म:मको लागि धन्यवाद
"हमे तो हर पुलिसवाले के चेहेरे एक जैसे लगते है" लम्बुको यो शोलेको डाइलग जस्तै मलाई त त्यो माथिको म:म देख्ने बित्तिकै ठुल्दाइको हातकै
म:म जस्तो लाग्यो, क्या बानकी परेको म:म बाइ
नेप्चे मैले ब्यङलाई वास्तविक रुपामा लिएको हैन, चित्त नबुझेको कुरा गरेको मात्र हो
चेली कैले आउ म:म हसुर्न?
नेप्छे दाजु अनि सोमजी,
पढिदिनु भएकोमा अनि मनपराईदिनुभएको मा धेरै धेरै धन्यवाद!
सबैलाई नारी दिवशको शुभकामना!!
तँपाइको कथा राम्रो छ तर चौधरि ग्रुपले मानहानि मुद्दा हाल्ला भन्ने पिर पर्यो मलाई !
just kidding .............nice flow अनि शैलि असाध्यै मन पर्यो ,अलि धेर लेख्नुहोस न ,हामीले पनि पढिरहन पाउँथ्यौ!
Please log in to reply to this post
You can also log in using your Facebook
You can also log in using your Facebook
What people are reading
You might like these other discussions...
· Posts 1 · Viewed 49
· Posts 1 · Viewed 55
· Posts 77 · Viewed 18498 · Likes 16
· Posts 1 · Viewed 112
· Posts 1 · Viewed 118
· Posts 16 · Viewed 3583 · Likes 3
· Posts 1 · Viewed 358
· Posts 6 · Viewed 949 · Likes 1
