अभिनेत्री प्रियंका कार्की एक महिना भन्दा बढी समय अमेरिका बसेर फर्किइन् । सांकृतिक कार्यक्रम लिएर अमेरिका पुगेकी नायिका अमेरिका रहँदा चुप बसिन् । अरु बेलामा अमेरिका पुग्दा सामाजिक संजालमा खुबै सक्रिय हुने प्रियंका यसपटक भने चुप रहिन् ।

उनले, न त आफ्ना तस्बिर नै छिनछिनमा पोष्ट गरिन् न त प्रेमी आयुष्मान देशराजको बारेमा नै केही लेखिन् । प्रियंकाको यो बानीले धेरैलाई अचम्मित बनाएको थियो । नेपाल आएपछि पनि प्रियंकाले आयुष्मानको बारेमा खासै बोल्न नचाहेको बताउन थालेकी छिन् । नेपाल आएपछिका प्रियंका अभिव्यक्ति हेर्ने हो भने उनी आयुष्मानको बारेमा खासै बोल्ने मुडमा नै छैनन् । आयुष्मान र प्रियंकाको गसिपका कारण केही महिना चलचित्र क्षेत्र खुबै तात्यो । आखिर, एकाएक प्रियंकाको मुख कसले चुप गरायो त ?

प्रियंकाको मुख चुप गराउनुमा चलचित्र ‘छक्का पन्जा २’का मेकरको हात मुख्य छ । यो चलचित्र असोज ११ गतेबाट रिलिज हुँदैछ । प्रियंकाको प्रेम चर्चाले उनका फ्यान भड्किएको वुझाइ यो चलचित्रको निर्माण यूनिटको छ । यसैले पनि उनीहरुले प्रियंकालाई आयुष्मानसँगको प्रेमलाई धेरै चर्चामा नल्याउन आग्रह गरेका हुन् । प्रियंका पनि आयुष्मानसँगको प्रेमलाई गसिपमा ल्याएर ‘छक्का पन्जा २’को व्यापारमा असर परोस् भन्ने चाहन्न् । जसलेगर्दा, अहिले यो जोडीले यो कुरालाई गम्भिर रुपमा लिएको छ ।

प्रियंका र आयुष्मानको चर्चा धेरै हुँदा ‘छक्का पन्जा २’को व्यापारलाई असर पक्कै पनि पर्छ । यसैले, पनि यसका निर्देशक दीपाश्री निरौला र निर्माता तथा कलाकार दीपकराज गिरीले बेलैमा यो बिषयमा सोचेका छन् ।

http://www.onlinekhabar.com/2017/08/617360/