अनौठो सम्बन्ध

Posts 4 · Viewed 8465 · Likes 4 · Go to Last Post

· Snapshot 0

Like · Likedby · 3

दिएर गयौ तिमी ,यो प्यार अनौठो
एक्लो छू यहाॅ लाग्छ संसार अनौठो।।

छैन स्पर्श कतै तिम्रो बहने पवनमा
तर पनि म जिउने छ आधार अनौठो।।

हुन्न अब कसैको म तिम्री नभएपछी
एकछत्र राज तिम्रो अधिकार अनौठो।।

मन मष्तिस्क सदैव लिई हिंड्दापनि
गर्हौं कत्ति नलाग्ने तिम्रो भार अनौठो।।

म परें बिरलै प्राथमिकतामा तिम्रो
आफ्नै प्रेम नअट्ने त्यो परिवार अनौठो।।

Mrigtrishna

· Snapshot 642

Like · Liked by · 0

धेरै धन्यवाद गज़ल को भाव एती सरल र मिठो बनाइदिनुभएकोमा !

ThahaChaena

· Snapshot 1155

Like · Liked by · 1

आस्था दाहालको यो गजल को याद दिलाउनु भयो मृगतृष्णा जी ..... मिठो लाग्यो तपाईको रचना

सङ्गीहरुको हुलमै हुदा मलाई उस्ले डाकेपछि ।
के गरुँ म रातो गुलाफ मेरै सामु राखेपछि ।

उम्कनलाई प्रयास मैले नगरेको होईन
कति गरुँ अस्वीकार गर्दा गर्दै थाकेपछि ।

उसका पछि लाग्ने पनि थिए होलान कति कति
गल्दै गएँ नजरबाणले मलाई मात्र ताकेपछि ।

उ मेरो अनि म उस्कै लागि जन्मेको रे
हार खाएँ मलाई पाउन देबी देउता भाकेपछि ।

फलाम होईन मेरो मन पगाल्नलाई आगो चाहिने
विबश भएँ उसको माया जालले मलाई ढाकेपछि ।

शनै:शनै छहारीको अभाव दुख्न थाल्यो
गरेँ स्वीकार ममा पनि मायाको बेल पाकेपछि ।

Mrigtrishna

· Snapshot 1452

Like · Liked by · 0

Please log in to reply to this post

You can also log in using your Facebook