यस्ता छन् १२ घण्टाका चर्चित ६ समाचार

Posts 3 · Viewed 2984 · Go to Last Post

· Snapshot 0

Like · Likedby · 0

प्रधानमन्त्री केपी शर्मा ओलीले स्व. पूर्व प्रधानमन्त्री एवम् नेपाली काँग्रेसका सभापति सुशील कोइरालाप्रति श्रद्धाञ्जलि अर्पण गरेका छन् । प्रधानमन्त्री ओली कोइराला निवास महाराजगन्ज पुगेर कोइरालाको पार्थिव शरीरमा श्रद्धाञ्जलि अर्पण गरेका हुन् । कोइरालाप्रति श्रद्धाञ्जलि अर्पण गर्न उपप्रधानमन्त्रीद्वय विजयकुमार गच्छदार र सिपी मैनाली तथा गृहमन्त्री शक्तिबहादुर बस्नेत महाराजगन्ज पुगेका थिए । त्यस्तै उपराष्ट्रपति नन्दबहाुर पुन पनि कोइराला निवास पुगेर श्रद्धाञ्जली अर्पण गरे । वीरगन्ज नाकाबाट धमाधम इन्धन भित्रिन थाल्यो, आजमात्रै ४२ ट्यांकर भित्रियो वीरगन्ज– मधेसी मोर्चाको अवरोध हटेसँगै वीरगन्ज नाकाबाट धमाधम इन्धन भित्रिन थालेको छ । आजमात्रै यो नाकाभएर ४२ ट्यांकर इन्धन भित्रिसकेको छ । आज भित्रिएको इन्धनमा डिजल, पेट्रोल र हवाई इन्धन रहेको छ । जसमा २८ टयाङकर डिजल, ११ टयाङकर पेट्रोल र ३ ट्याङकर हवाई इन्धन रहेको अमलेखगन्ज डिपोका प्रमुख भानुक्त खनालले रातोपाटीलाई जानकारी दिए । यसअघि सोमबार भारतको रक्सौलबाट तीन लाख ६८ हजार लिटर अर्थात २४ टयाङकर इन्धन वीरगन्ज भित्रिएको थियो । राजकीय सम्मानका साथ कोइरालाको अन्त्यष्टि गर्ने सरकारको निर्णय, भोलि सार्वजनिक बिदा काठमाडौं, माघ २६– मन्त्रिपरिषदको केहिबेर अघि सम्पन्न आकस्मिक बैठकले दिवंगत कांग्रेस सभापति तथा पूर्वप्रधनमन्त्री सुशील कोइरालाको राजकीय सम्मानका साथ अन्त्येष्टि गर्ने निर्णय गरेको छ । प्रधानमन्त्री निवास बालुवाटारमा बसेको बैठकले बुधबार सार्वजनिक बिदा दिने समेत निर्णय गरेको छ । कोइरालाको भोलिमात्रै अन्त्येष्टि गर्ने कांग्रेसको केन्द्रीय समितिको आकस्मिक बैठकले निर्णय गरिसकेको छ । यस्तै मन्त्रिपरिषदको बैठकले स्वदेश तथा विदेशमा रहेका सरकारी नियोगका झण्डा तीन दिन सम्म आधा झुकाउने निर्णय समेत बैठकले गरेको छ । अन्तिम स्वास लिनुअघि कोइरालाले भनेका थिए– ‘मैले बुझिसकेँ’ काठमाडौं–नेपाली कांग्रेसका सभापति एवम् पूर्व प्रधानमन्त्री सुशील कोइरालाको गएराती १२ः५० मा उनकै निवास महाराजगञ्जमा निधन भयो । उनले अन्तिम पटक आफ्ना निजी सहयोगीका रुपमा कार्यरत कृष्ण अर्याल र निजी चिकित्सक डा. करबीर योगीसंग संवाद गरेका थिए भने अन्तिम वाणी ‘मैले बुझिसके ’ भन्ने रहेको कोइराला प्रधानमन्त्री हुँदा प्रेस संयोजक रहेका प्रकाश अधिकारीले जानकारी दिए । उनका अनुसार कोइरालालाई अलिक बढी चापेपछि निजी चिकित्सक डा. योगीलाई बोलाइएको थियो । उनको पल्स कम हुँदै गएपछि उपचारका सम्बन्धमा कुरा हुँदा उनले सो कुरा व्यक्त गरेका हुन् । अन्तिम समयसम्म पनि उनलाई अक्सिजन र नेवुलाइजर दिइएको थियो । सागमा रजत जितेका विकास भन्छन्–राज्यले प्रशिक्षण दिए स्वर्ण पदक टाढा छैन गुवाहाटी–काठमाडौंबाट गुवाहाटीका लागि पाइला उठाउँदै गर्दा भारोत्तोलन खेलाडी विकास थापाको मनमा एउटै सपना थियो– सागमा स्वर्ण जित्ने । सपना सपनै हुँदोरहेछ, उनले मनमा साँचेको स्वर्णको सपना यसपटकको १२ औं दक्षिण एसियाली खेलकुदमा पुरा हुन सकेन् । भारतको गुवाहाटीस्थित भोगेश्वर फुकानी इन्डोर स्टेडीयमको प्लेटफर्ममा देशका लाागी स्वर्ण जित्न गएका विकास रजत पदकको माला पहिरिएर स्वदेश फर्कंदै छन् । भारतको गुवाहाटी शहरलाई दक्षिण एसियाली खेलकुदले झपक्कै छोपेको थियो । कोइरालाको पार्थिव शरीरमा राष्ट्रिय झण्डा ओढाइयो (फोटोफिचर) काठमाडौं – पूर्व प्रधानमन्त्री सुशील कोइरालाको पार्थिव शरीरमा प्रधानमन्त्री केपी ओलीले राष्ट्रिय झण्डा ओढाएर श्रद्धान्जली अर्पण गरेका छन् । राजधानीको दशरथ रंगशाला पुगेर प्रधानमन्त्री ओलीले कोइरालाप्रति श्रद्धान्जली व्यक्त गरेका हुन् । रंगशालामा सभामुख ओनसरी घर्ती, एमाओवादी अध्यक्ष प्रचण्ड, विभिन्न पार्टीका नेता, कुटनीतिक नियोगका अधिकारीहरु, पार्टी कार्यकर्ताहरुले पुगेर श्रद्धाञ्जली अर्पण गरे । कोइरालाको अन्त्येष्टी भोली राजकीय सम्मानका साथ गरिने सरकारले निर्णय गरिसकेको छ ।