गजल - Sajha Mobile

गजल

Posts 5 · Viewed 10645 · Likes 6 · Go to Last Post

· Snapshot 0

Like · Likedby · 5

फरक संसार, फरक दृश्य , तर ! हिड्ने बाटो उस्तै ,
देखाई फरक, भोगाई फरक ,जीवन जिउने पाटो उस्तै l

अग्ला महल , सुन्दर शहर, समुन्द्रको तट बेग्लै ,
नयाँ रमझम , हरपल तर , बल्झिरहने खाटो उस्तै l

नयाँ युग , नयाँ सोंच , नयाँ आयाम बोके पनि,
तछाड-मछाड , ठुलो सानो , आपसमा फाटो उस्तै l

लक्ष्य नयाँ, सपना नयाँ , बुन्दै श्रम बेचे पनि ,
सुनौलो घाम नझुल्किने , भाग्यको त्यो टाटो उस्तै l

फरक संसार, फरक दृश्य , तर ! हिड्ने बाटो उस्तै
देखाई फरक, भोगाई फरक ,जीवन जिउने पाटो उस्तै l

ThahaChaena

· Snapshot 81

Like · Liked by · 1

वाह ! रित्तो_हात ज्यू ..... क्या बात .... राम्रो गजल ल्याउनु भो .....

नयाँ युग , नयाँ सोंच , नयाँ आयाम बोके पनि,
तछाड-मछाड , ठुलो सानो , आपसमा फाटो उस्तै ल

एक्साएक शेर हरु ..... मलाई मन खाएको चाहिं यो माथि को

- थाहा छैन

Ritto Haat

· Snapshot 94

Like · Liked by · 0

धन्यबाद थाहा छैन ज्यु! तपाइको प्रतिक्रियाको लागि , यस्तै प्रतिक्रिया हरु पक्कै पनि कोशे ढुंगा बन्नेछन मेरो लेखेको लागि!
~रित्तो -हात