जिम्मेवारी र सपनाले
कन्चेटतिर फर्काएर बन्दुक
पड्काएपछि सुरु भएको
पसिना बेच्ने म्याराथन छ
सडकभरि आज
चाप्लुसीका इत्तर घसेर आएका
केही नदेख्ने होमरहरूको जुलुस छ
सडकभरि आज
अस्मिता लुटिएका कौमार्यहरूको
बिलौनाका लस्कर छन्
नाराबाजी गर्दै
सडकभरि आज
नैतिकता र विवेक हराएर
यता उता खोज्दै
छामछुम् गरेजस्तै गर्ने
नेतृत्वको भीड छ
सडकभरि आज
त्यहीँ एउटा कुनामा म छु
मसँगै उठेको घाम छ
मसँगै आङ तानिरहेको अल्छिपना छ
आडैमा लठ्ठ स्वार्थ छ
वरिपरि ढुङ्डुङ्ती गनाइरहेको आत्मसम्मान छ
पुच्छर लुकाएर भुकिरहेको मेरो बहादुरी छ
हामी सबै हेरिरहेछौँ
आज सडकमा रमिता छ
Sudarshan poudel
Please log in to reply to this post
You can also log in using your Facebook
What people are reading
You might like these other discussions...
· Posts 172
· Viewed 57243
· Likes 38