महिनौँदेखि प्रमुख प्रशासकीय अधिकृतविहीन रहेका एक सय वटा गाउँपालिकाले एकैपटक प्रमुख प्रशासकीय अधिकृत पाएका छन् । संघीय मामिला तथा सामान्य प्रशासन मन्त्रालयले बिहीबार एक सय वटा गाउँपालिकामा प्रमुख प्रशासकीय अधिकृत खटाएको हो ।
प्रधानमन्त्री केपी शर्मा ओलीले चालु आर्थिक वर्षमा गरिने मुख्य काम र हासिल हुने उपलब्धिका लागि उपप्रधानमन्त्रीद्वय र मन्त्रीहरुसँग बिहीबार कार्यसम्पादन सम्झौता गरेका छन् ।
नेपाली कांग्रेसका महामन्त्री गगनकुमार थापाले संविधान पुनरावलोकनको आवश्यकता महसुस भएको बताएका छन् । बिहीबार सानेपास्थित कांग्रेस कार्यालयमा भएको उत्कृष्ट स्थानीय तह सम्मान कार्यक्रममा महामन्त्री थापाले त्यही आवश्यकताका आधारमा कांग्रेस र एमाले मिलेर बनेको सरकारले पनि ७ बुँदे सहमतिमा संविधान संशोधनलाई प्राथमिकतामा राखेको बताए ।
माडी नगरपालिका–१ को बरुवा बजारनजिक चितई खोलाको आडमा रहेको खेल मैदानमा भदौ १० देखि २१ गतेसम्म स्टार कप फुटबल प्रतियोगिता संचालन भयो । त्यतिबेला यहाँका मेनुका महतो र इन्द्रकुमारी महतो पनि खुबै व्यस्त रहे । सेलराेटी, तरकारी र घोँगी बेच्न उनीहरुलाई भ्याइनभ्याइ भयो ।
इलामको फाल्गुनन्द सुकिलुम्बा विमानस्थलबाट उडान सुरु भएको छ । केही महिना बन्द रहेको विमानस्थलमा आजदेखि पुनः उडान थालिएको हो । गत बिहीबार नै उडान भर्ने भनिए पनि यात्रु नपाएर उडान भएको थिएन ।