पूर्वकार्यकारी राईद्वारा वडा भवन क्लबलाई सुम्पने सहमति दीपेन्द्र विष्ट &nbsp; Normal 0 false false false EN-US X-NONE NE /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:""; mso-padding-alt:0in 5.4pt 0in 5.4pt; mso-para-margin-top:0in; mso-para-margin-right:0in; mso-para-margin-bottom:10.0pt; mso-para-margin-left:0in; line-height:115%; mso-pagination:widow-orphan; font-size:11.0pt; mso-bidi-font-size:10.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-fareast-font-family:"Times New Roman"; mso-fareast-theme-font:minor-fareast; mso-hansi-font-family:Calibri; mso-hansi-theme-font:minor-latin;} काठमाडौ, मंसिर १४ - काठमाडौं महानगरका तत्कालीन कार्यकारी अधिकृत र विभागीय प्रमुखले बांगेमुढास्थित वडा कार्यालयको भवन र खाली जग्गा सहिद शुक्र क्लबलाई अनधिकृत ढंगले दिने सहमति गरेको खुलासा भएको छ । तत्कालीन कार्यकारी अधिकृत राई र जनस्वास्थ्य तथा सामाजिक विकास विभागका प्रमुख बाबुराम गौतमले वडा नं २८ को किता नम्बर ५ सय ९४ क्षेत्रफल ०-५-३-१ जग्गामा रहेको भवन क्लबलाई दिने सहमति गरेका हुन् । गत असार २१ गते भएको सहमतिपत्रमा राई र क्लबका अध्यक्ष राजेशप्रसाद श्रेष्ठको हस्ताक्षर छ । राजधानीको निकै व्यस्त मानिने असननजिकैको वडा कार्यालय भवनका तीन तला नयाँ भवन निर्माण भएपछि स्वतः खाली हुने र त्यसको स्वामित्वसमेत क्लबलाई रहने सहमतिपत्रमा उल्लेख छ । 'टहरा भत्काएको स्थानमा नयाँ भवन निर्माण गर्नका लागि महानगरले आर्थिक सहायता -अनुदान) रकम दिनेछ,' सहमतिमा उल्लेख छ । नयाँ निर्माण गरिने भनिएको खाली जग्गामा दुईटा टहरा छन् । सहमति नम्बर ३ -घ) अनुसार नयाँ र पुरानो भवनमा महानगरपालिकाले कुनै हकदाबी गर्न पाउने छैन । नयाँ भवन निर्माणका लागि प्रमुख गौतमको मिलोमतोमा तत्कालीन कार्यकारी अधिकृत राईले ३० लाख रुपैयाँ छुट्याएका थिए । नापी शाखा डिल्लीबजारबाट प्राप्त 'फिल्डबुक' अनुसार उक्त जग्गा वडा कार्यालयकै नाममा रहे पनि राईले क्लबसँग सहमति गर्दा क्लबले घरटहरा निर्माण हकभोग आएको जग्गा क्लबकै नाममा दर्ता हुने उल्लेख छ । '३ नं नापी गोश्वाराको २०३७/८/१६ को निर्णय नम्बर ५४४ बमोजिम वडाको अफिस बसेको देखिन्छ, प्रमाणबेगर दर्ता गर्न नमिल्ने समितिको मिति २०३९/४/१५ को निर्णयबमोजिम छ,' फिल्डबुकमा उल्लेख छ । तीनतले भवनको पहिलो तलामा सिटी दन्त क्लिनिक, दोस्रोमा सहिद शुक्र क्लब र तेस्रोमा वडा कार्यालय छ । करिब १० वर्षदेखि भुइँ तलामा क्लिनिक चले पनि घरभाडा भने मल्ल के सुन्दरले बुझ्दै आएका छन् । क्लिनिक सञ्चालक नन्दा राणाले १५ हजार भाडा मल्ललाई बुझाउँदै आएको बताइन् । वडा सचिव प्रकाश रञ्जितले वडाले हालसम्म एक रुपैयाँ नउठाएको बताए । 'भवन २०३५ सालमा निर्माण भएको हो, अहिले यसको अन्य जग्गासहित भवनको केही भाग पनि सधैंका लागि अरूलाई स्वामित्व हस्तान्तरण हुने भएको छ,' उनले भने । स्रोतका अनुसार भवनको भाडा सहिद शुक्र क्लबले उठाउँदै आए पनि क्लबको दर्ता नवीकरण नगरिएका कारण रकम व्यक्तिगत रूपमा मल्ल के सुन्दरमार्फत बुझ्ने गरिएको हो । नवगठित राज्य पुनःसंरचना आयोगका सदस्य मल्ल 'स्थानीय समिति त्वांछे' का महासचिव पनि हुन् । क्लबका अध्यक्ष राजेशप्रसाद श्रेष्ठले त्वांछे समितिकै आधारमा महानगरसँग नयाँ भवन बनाउन सहमति गरिएको दाबी गरे । पूर्ववडाध्यक्ष सुभान श्रेष्ठले सर्वदलीय संयन्त्रका प्रतिनिधिको विरोध हुँदाहँुदै पनि राई र बाबुराम गौतमले मिलेर भवन बेच्ने प्रयास गरेको आरोप लगाए । 'यसका मुख्य योजनाकार गौतम हुन्, जनस्वास्थ्य र वडा कार्यालय राख्ने निहुँमा उनले बिक्री गर्न खोजेका हुन्, हामीले रोकेका छौं,' उनले भने । यसअघि सिनामंगलस्थित निजी क्षेत्रबाट सञ्चालित मोर्डन कन्या मन्दिरलाई पाँच लाख रुपैयाँ मनोमानी ढंगले विनियोजन गरेको आरोप गौतममाथि लागेको थियो । महानगरका प्रवक्ता ज्ञानेन्द्र कार्कीले जनस्वास्थ्य तथा सामाजिक विकास विभागबाट फाइल अगाडि बढेको भन्दै त्यसको सम्पूर्ण जिम्मेवारी उक्त विभागले नै लिनुपर्ने दाबी गरे । महानगर स्रोतका अनुसार गौतम र राईले ३० लाख रुपैयाँमध्ये १५ प्रतिशत कमिसन आफ्ना लागि छुट्याएपछि उक्त सहमतिपत्रमा हस्ताक्षर गरेेका हुन् । मल्लले महानगरसँग भएको सम्झौताबारे आफूलाई थाहा नभएको बताए । 'भाडा मैले बुझ्दै आएको हुँ, तर सम्झौताबारे थाहा छैन,' उनले भने । <span lang="NE" style="font-family: Manga