Can we help this desperate mother whose son is dying ? COntact Janak Nepal , Kantipur reporter at 9858022101 for helping her : Original link:  http://www.ekantipur.com/np/20... जनक नेपाल [Disallowed String for - ] type="text/javascript"> [Disallowed String for - ] type="text/javascript" src="http://pagead2.googlesyndicati..."> [Disallowed String for - ] src="http://pagead2.googlesyndicati...">[Disallowed String for - ] src="http://googleads.g.doubleclick...">[Disallowed String for - ]>google_protectAndRun("ads_core.google_render_ad", google_handleError, google_render_ad); नेपालगन्ज, अषाढ ११ - एक्लो छोरा बिरामी परेपछि दैलेख नाउलेकटवाल गाउँकी तुलसा बिकलाई न भोक छ, न प्यास । भानेश्वर उच्च माविमा नौ कक्षामा अध्ययनरत उनका १७ बर्षे छोरा महेशका दुबै मिर्गौलामा खराबी देखियो ।  चिकित्सकले मिर्गौला प्रत्यारोपण गर्नुपर्ने बताएका छन् । मिर्गौला प्रत्यारोपणका लागि ७ लाख लाग्छ । तर, दैनिक ज्याला-मजदूरी गरेर परिवार पाल्ने यो विपन्न दलित परिवारले त्यो जुटाउन मुस्किल छ । सिकिस्त छोरालाई पाटन अस्पतालमा छाडेर तुलसा सहयोग माग्दै नेपालगन्जमा आइपुगेकी छन् । काठमाडौमै रहँदा उनले स्वास्थ्यमन्त्रीदेखि प्रधानमन्त्री माधवकुमार नेपालसम्मलाई भेटिन् । दुबैले ५०-५० हजार रुपैंयाँ सहयोग दिलाए । विभिन्न संघ-संस्था, जिल्ला विकास समिति, महानगरपालिका डुलेर तुलसाले दुई लाख जुटाएकी छन् । 'छोरालाई बचाउन अझै पाँच लाख जुटाउनु छ'-सहयोगका लागि पहल गरिदिन आग्रह गर्दै बिहीवार दिउँसो नेपालगन्जस्थित कान्तिपुर कार्यालय आइपुगेकी उनले भनिन्-'चिने जानेको कोही छैन । सहारा नपाएपछि पत्रकार खोज्दैआएको छु ।' छोराको उपचारका लागि तुलसा चार महिनाअघि ८० हजारमा पाखोबारी बेचेर काठमाडौं गएकी हुन् । पाटन अस्पताल र केही संघ-संस्थाले उपचारमा सघाए पनि मिर्गौला प्रत्यारोपण गर्न भने कतैबाट सहयोग जुटेको छैन । 'बालुवाटार गेटमा प्रधानमन्त्रीलाई कुरेर बसें । गाडी रोकेर आफ्नो दुःख भने तर, उनले उपचार गर्न नपुग्ने सहयोग गरे'-उनले भनिन् ।   दैलेखका सभासद् राजबहादुर बुढा र स्थानीय विकास राज्यमन्त्री गणेश खड्कालाई भेट्न उनी क्वार्टरहरुमा धाइन् । तर, भेट भएन । कटुवाल गाउँमा दुई हल लाग्ने पाखोबारी छ । त्यसको उब्जनीले चार महिना पनि खान नपुग्ने उनले बताइन् । पति लक्ष्मीबहादुर भारतमा रोजगारी गर्न जान्थे । चार बर्षअघि रुखबाट खसेर ढाड र खुट्टा भाँचिएपछि उनी थला परेका छन् । उनी हिड्डुल गर्नसमेत सक्दैनन् । अपाङ पति, तीन छोरी र बिरामी छोराको जिम्मेवारी ३६ वर्षिया तुलसाको काँधमा छ । कान्तिपुर कार्यालयबाट बाहिरिदैगर्दा उनले भनिन्-'सबैले अलि-अलि सहयोग गरिदिए मेरो छोरा बाँच्थ्यो ।'