प्रचण्ड र ज्ञानेन्द्रको दोहोरी प्रचण्ड: गर्नु गर्‍यौं षड्यन्त्र पैसा ख्वाएर दलका मान्छे किनेर संविधानसभा भाँड्छु भनेर। ज्ञानेन्द्र: गर्नु गर्‍यौं प्रचण्ड युद्ध छेडेर मेरो निद्रा खोसेर जताततै आगो झोंसेर प्रचण्ड: गर्नु गर्‍यौं माइला दरबार ढुकेर नागर्जुनमा गएर गिरिजासँग साइनो जोडेर ज्ञानेन्द्र: गर्नु गर्‍यौं छविलाल ढाडमा टेकेर भारतसँग मिलेर राष्ट्रपति बन्ने भनेर प्रचण्ड: गर्नु गर्‍यौं 'जी. शाह'मधेस चर्काएर भाजपासँग मिलेर माओवादीलाई भ्याउँछु भनेर ज्ञानेन्द्र: गर्नु गर्‍यौं जुँगे कमरेड पुत्ला जलाएर गणतन्त्र भनेर बाउबाजेका शालिक फोडेर प्रचण्ड: भन्नु भन्यौं हामीलाई आतंककारी भनेर रेडकर्नर नोटिस ल्याएर टाउकाको मूल्य तोकेर ज्ञानेन्द्र: भैगो फुर्ती नगर, बाईसिएल देखाएर भिड्ने भएर भिडौंला मौका छोपेर प्रचण्ड: च्यालेन्ज गर्‍यौं तिमीले भिड्छु भनेर सिंगल सिगंल भिड्ने कि पाखुरा सुर्केर? <