एचआईभीपीडित बालिका बलात्कृत / केटाका आफन्तबाट उल्टै धम्की हेटौंडा, (नेस) मकवानपुरको चुरियामाईमा एचआईभी संक्रमित भएकी एक बालिका बलात्कृत भएकी छिन्। उनलाई एचआईभीको संक्रमण भएको थाहा पाएपछि पीडकका परिवारले नै उल्टै थप पीडा दिने काम भएको छ। १२ वर्षा एक बालकले संक्रमित बालिकालाई बलात्कार गरेको र बालकका परिवारले आफनो छोरालाई एचआईभी संक्रमण भएमा ठीक नहुने भनेर पीडित परिवारलाई धम्की दिएको पाइएको छ। ] यो घटनापछि एचआईभी संक्रमित र प्रभावितहरूका लागि स्थापना भएको मकवानपुर महिला समूहले पीडितलाई न्यायका लागि पहल गरेको छ। बलात्कृत भएकी बालिका लुकाएर राख्ने कामसँगै पीडकहरूले धम्क्याउने काम भइरहेको समूहकी कार्यक्रम संयोजक राधिका अधिकारीले बताउनुभयो। पीडित बालिकाकी आमाको एचआईभीकै कारण केही समयअघि मृत्यु भएको छ भने बाबु पनि एचआईभी संक्रमित छन्। बालिकालाई पनि एचआईभीको संक्रमण रहेको छ Source: www.Newsofnepal.com