काँग्रेस अव सामूहिक नेतृत्वमा/सभापति कोइराला अल्पमतमा कुलचन्द्र न्यौपाने कोइरालाले अन्तिम समयसम्म सभापतिको अधिकार कटौति गर्न नहुने पक्षमा अडान लिएका थिए ।  काठमाडौ, २०६६ कार्तिक १८ - काँग्रैसको महासमिति बैठकले सभापति गिरिजाप्रसाद कोइरालाको अडान विपरित 'सामूहिक नेतृत्व'मा जाने निर्णय गरेको छ । चार दिनसम्मको छलफल पछि पार्टीको नेतृत्व सामुहीक हुने गरी विधान मस्यौदा पारित भएको हो ।  डेढ दशकदेखि सर्वशक्तिमान रहेदै आएका सभापति कोइराला बैठकको यो निर्णयसंगै पार्टी भित्र कमजोर सावित भएका छन ।  कोइरालाले अन्तिम समयसम्म सभापतिको अधिकार कटौति गर्न नहुने पक्षमा अडान लिएका थिए ।  उनको अडानमा कार्यबाहक सभापति सुशिल कोइरालाले महासमिति बैठकमा 'लबिङ' गरेपनि दुई तिहाई बढी सदस्य सामूहिक नेतृत्वको पक्षमा उभिएपछि कोइराला पछि हटन बाध्य भएका हुन् । छोरी सुजातालाई सरकारको नेतृत्व र उपप्रधानमन्त्री बनाएपछि पार्टीभित्र तिव्र आलोचना खेपेका कोइरालाले महासमिति बैठक समेत स्थगित गर्न दबाव दिएका थिए । महासमिति बैठकमा समेत केन्द्रीय समितिले प्रस्तुत गरेका तीन 'मोडलमा' बरिष्ट नेताहरु बीच नै मतक्यता हुन नसकेपछि पदाधिकारीहरु बीच सहमती कायम गरेर ल्याईएको बीचको 'बैकल्पिक मोडल' बैठकले पारित गरेको हो । यसअघि पदाधिकारी सहित पचास प्रतिशत सदस्य मनोनित गर्न पाउने सभापतिको अधिकारलाई पारित विधानले कटौति गरेको छ । पारित मस्यौदाबाट एक महामन्त्री, कोषाध्यक्ष सहित ७५ प्रतिशत सदस्य निर्वाचित हुने व्यवस्था गरिएको छभने उपसभापति, एक महामन्त्री र सहमहामन्त्री सहित २५ प्रतिशत सदस्य माध सभापतिले मनोनित गर्न पाउने अधिकार दिइएको छ । 

shirish · Nov 4, 2009 12:55 PM

Aba Koiralo ko din Gayo. Uhile fain fuin dekhayar Ganeshman lai pakha layako thiyo. Ahile Prakashman le Dekhai diyo. Kahile sasuko palo kahile Buhariko.

aman · Nov 4, 2009 4:25 PM

i will give the government to king and if its not possible then I will do kaal raatri-II.

devilwithin999 · Nov 4, 2009 5:28 PM

Look around the world political history, who ever wants to be a  leader and gets the position then his/he  philosophy and motto changes. He or she want to keep all power on him/her and want to pass to his/her generation.Why you bringing it again? You know , I know and every body knows it is wrong but part of human nature and psychology. Who has not done that ? Look all around the world, Americans elected Bush junior twice, was he groomed to be next president?

NayaSadak · Nov 5, 2009 10:13 AM

संविधानसभा हाजिरीपुस्तिकामा ३ मंसिरको बैठकमा कांग्रेस सभापति गिरिजाप्रसाद कोइरालाको किर्ते हस्ताक्षर गरिएको छ । जब कि, त्यस दिन कोइराला सिंगापुरको ग्लेनिगल्स अस्पतालमा उपचार गराउँदै थिए ।   नयाँ पत्रिका काठमाडौं, २६ मंसिर संविधानसभा हाजिरीपुस्तिकामा कांग्रेस सभापति तथा सभासद् गिरिजाप्रसाद कोइरालाको किर्ते हस्ताक्षर गरिएको भेटिएको छ । ६ सय एक सभासद्कै हस्ताक्षरको नमुना राखेको संविधानसभा सचिवालय र कोइरालाकै दल कांग्रेसलाई भने हाजिरीपुस्तिकामा नेता कोइरालाको किर्ते हस्ताक्षर गरिएको पत्तै छैन । गत ३ मंसिरमा बसेको संविधानसभा बैठकमा कोइरालाको किर्ते हस्ताक्षर गरिएको नयाँ पत्रिकाले फेलापारेको छ । जब कि, कोइराला त्यस दिन सिंगापुरमा उपचार गराउँदै थिए । गत २८ कात्तिकमा उपचारका लागि सिंगापुर गएका कोइराला ७ मंसिरमा मात्रै स्वदेश फर्किएका थिए । फोक्सोमा लाग्ने क्रोनिक ब्रोन्काइटिसबाट पीडित कोइरालाको दाहिने फोक्सोको तल्लोभागमा देखिएको निमोनियाको इन्फेक्सनमा कमी नआएपछि थप उपचारका लागि उनलाई सिंगापुर लगिएको थियो । झन्डै डेढहप्ता सिंगापुरको ग्लेनिगल्स अस्पतालमा भर्ना भएका कोइरालासित २ मंसिरमा माओवादी अध्यक्ष पुष्पकमल दाहाल 'प्रचण्ड' ले त्यही पुगेर वार्तासमेत गरेका थिए । संविधानसभामा कोइराला अहिलेसम्म दुई/तीनपटक मात्रै उपस्थित भएका छन् । त्यो पनि गतवर्षका बैठकहरूमा । तर, संविधानसभा सचिवालयले राख्ने सभासद्को हाजिरीपुस्तिकाको रेकर्डअनुसार त सभापति कोइराला संविधानसभाको एउटै बैठकमा पनि उपस्थित देखिँदैनन् । बैठकमा उपस्थित भएर पनि हाजिरीपुस्तिकामा हस्ताक्षर नगर्ने उनी ६ सय एक सभासद्मध्येका एक्ला हुन् । संविधानसभा सचिवालयका कर्मचारीका अनुसार कोइराला संविधानसभाको पहिलो बैठक बसेको गतवर्षको १५ जेठ, राष्ट्रपतिको चुनाव भएको गतवर्षकै ६ साउन र अर्को एक बैठकमा उपस्थित थिए । तर पनि, उनले सचिवालयको हाजिरीपुस्तिकामा हस्ताक्षर गर्ने 'कष्ट' भने गरेनन् । मंसिरमा बसेको संविधानसभा बैठकमा उपस्थित हुन त परै जाओस्, कोइराला बानेश्वरस्थित संविधानसभा भवनसमेत छिरेका छैनन् । फेरि पनि उनको उपस्थिति जनाउन कसले र किन किर्ते हस्ताक्षर गर्‍यो भन्ने कसैलाई थाहा छैन । हाजिरीपुस्तिकामा कोइरालाको किर्ते हस्ताक्षर गरिएको प्रस्ट बुझिन्छ । कोइरालाले हस्ताक्षर गर्दा आफ्नो पूरा नाम लेख्ने गर्छन् । उनको हस्ताक्षरमा गिरिजा प्र. कोइराला लेखेको प्रस्ट देखिन्छ । तर, किर्ते गरिएको हस्ताक्षरमा कोइरालाको पूरा नाम लेखिएको छैन । हस्ताक्षर हेर्दा गिरिजामात्रै लेख्न खोजिएको अनुमानमात्रै लगाउन सकिन्छ । सचिवालय कर्मचारीका अनुसार झुक्किएर वा नियतवश जसरी गरे पनि कुनै सभासद्ले नै कोइरालाको हस्ताक्षर गरेको हुनुपर्छ । किनभने कर्मचारीले हस्ताक्षर गर्ने कुरै भएन, गैरसभासद् हाजिरीपुस्तिका राखेको ठाउँसम्म जानै पाउँदैन । 'हाजिरीपुस्तिका राखेको ठाउँमा सभासद्बाहेक केही कर्मचारी मात्रै हुन्छन् । कर्मचारीले उहाँ (कोइराला) को नाममा हस्ताक्षर गर्ने कुरै भएन, झुक्किएर वा नियतवश जसरी भए पनि कुनै माननीयज्यूबाटै त्यस्तो भएको हुनसक्छ,' सचिवालयका एक कर्मचारीले नयाँ पत्रिकासित भने । हाजिरीपुस्तिकामा कोइरालाको क्रमसंख्या १०६ छ । उनको अगाडि क्रमसंख्या १०५ मा नेपाली जनता दलकी सभासद् गायत्री साहको नाम छ भने पछाडि क्रमसंख्या १०७ मा माओवादी सभासद् गिरिराजमणि पोखरेलको नाम छ । सभासद्द्वय साह र पोखरेल ३ मंसिरको बैठकमा उपस्थित देखिँदैनन् । हाजिरीपुस्तिकामा त्यस दिन दुवैजनाको हस्ताक्षर छैन । संविधानसभा सचिवालयका प्रवक्ता मुकुन्द शर्माले कोइरालाको किर्ते हस्ताक्षर गरिएको बारेमा आफूलाई जानकारी नभएको बताए । 'यससम्बन्धमा मलाई जानकारी छैन, त्यसो त नहुनपर्ने हो,' प्रवक्ता शर्माले नयाँ पत्रिकासित भने । किर्ते हस्ताक्षर गरिएको पाइए सचिवालयले गम्भीरतापूर्वक छानबिन गर्ने उनले बताए । कोइरालाका स्वकीय सचिव शेखर थापाले पनि त्यस सम्बन्धमा कुनै जानकारी नभएको बताए । 'त्यो मिति (३ मंसिर) मा त सभापतिज्यू (कोइराला) सिंगापुरमा हुनुहुन्थ्यो । किर्ते हस्ताक्षर गरिएको बारेमा त हामीलाई केही थाहा छैन,' उनले भने । कोइरालाका नाममा किर्ते हस्ताक्षर गरिएको भए कसले र कुन नियतले गर्‍यो भन्ने संविधानसभा सचिवालयले छानबिन गर्नुपर्ने स्वकीय सचिव थापाले बताए । कांग्रेस संसदीय दलका प्रमुख सचेतक लक्ष्मण घिमिरेले कुनै सभासद्ले झुक्किएर कोइरालाको ठाउँमा हस्ताक्षर गरेको हुनसक्ने बताए । 'अब उहाँ (कोइराला) को नाममा कसैले झुक्किएर हस्ताक्षर गरेको भए थाहा भएन, नत्र कसले त्यस्तो गर्‍यो होला र ?' उनले भने । कुनै सभासद्ले नियतवश कोइरालाको किर्ते हस्ताक्षर गर्ने सम्भावना पनि आफूले कमै देखेको घिमिरेले बताए । संविधानसभा बैठकमा लगातार अनुपस्थित भएकै कारण संविधानतः कोइराला लगायत प्रमुख दलका शीर्ष नेताहरूको सभासद् पद खारेज हुने समाचार नयाँ पत्रिकाले गत १६ भदौको अंकमा छापेको थियो । अन्तरिम संविधानको धारा ६७ को 'ग' मा संविधानसभालाई जानकारी नदिईकन लगातार १० वटा बैठकमा अनुपस्थित हुने सभासद्को पद खारेज हुने व्यवस्था गरिएको छ । संविधानसभा सचिवालयको हाजिरीपुस्तिकाको रेकर्डअनुसार कोइराला संविधानसभाको एउटै बैठकमा पनि उपस्थित छैनन् । उनले अनुपस्थितिको जानकारी पनि सचिवालयलाई गराएका थिएनन् । नयाँ पत्रिकाले संविधानतः सभासद् पद खारेज भएको समाचार प्रकाशित गरेको भोलिपल्ट १७ भदौमा कोइरालाले बिदा स्वीकृतिका लागि सचिवालयमा निवेदन दिएका थिए ।

shirish · Dec 13, 2009 2:15 PM