"मन"  सुन्छु कसैको “मन” काँच झैँ चकनाचूर भयो रे , सुन्छु कसैको “मन” ऐना झैँ चूर चूर भयो रे कसैको मन फलामे थुङ्गा  भयो रे          कसैको मन बेजान ढुङ्गा भयो रे.................   सोच्छु , मन यति कमजोर किन  हुन्छ?? यति निर्दयी र कठोर किन हुन्छ?   हो मन, कोमल हुन्छ , मुलायम हुन्छ, मन फूलको धारले रेटिने , छालमा मेटिने पनि हुन सक्छ . अथाह पीडा, अनगिन्ति बेदना अटाउने सक्ने आँशुको सागर भित्र भित्रै लुकाउने सक्ने आमाको कोख कस्तो बेमिशाल मातृत्वको स्नेह जस्तो बिशाल हुन्छ मन . कसैले दुखाउदैमा दुखीरहने मन यति साह्रो कमजोर हुन्न, कसैले चुकचुकाउँदै  सुकी झर्ने मन यति खुकुलो गठजोड हुन्न .   तर मन अमिलो अंगुर हुन सक्दैन तर मन नाजुक र भंगुर हुन सकदैन सजिलै टुक्रिन्छ भने सजिलै जोडिन्छ  भने अबश्य पनि त्यो मन पहिलेई चर्किसकेको  मन हुनु पर्छ, तन र धनले लेपेको  मन हुनु पर्छ . हो, बदनलाई माया गरेर मुनाको मदन हुँ भन्नेहरुको मन मिल्ने भन्दा धन मिल्ने खोजी हिड्ने एक पछी अर्को रोजी हिड्ने सीता साबित्रिहरुको भने मन नै हुँदैन ... फगत रगत तान्ने र फाल्ने जिउदो छु भन्ने प्रमाणरुपी एउटा मुटु हुन्छ, बस एउटा मुटु हुन्छ .    * भंगुर = Brittle   ** नाजुक= Fragile    Last edited: 15-Jul-13 10:48 AM