बिछोड नै सही, एकपल्ट प्रेम गरेरै मर्नुको मज्जा बेग्लै,
रेटेरै नै सही, एकपल्ट प्रेम भेटेरै मर्नुको मज्जा बेग्लै|

मुस्काएको फूल देखेर कसको मन रोमान्चित हुँदैन र?
चुम्दा चुम्दै मुटुमा काँडा घोचेरै मर्नुको मज्जा बेग्लै |

कति लेखेंहुँला रातरात जागेर उसलाई पत्र प्रेम पत्रहरु,
मुटु चिरी रगतले अन्तिम पत्र लेखेरै मर्नुको मज्जा बेग्लै |

बिर्स , छोड भन्दा मानिन , कस्तो आवारा पागल भन्यौ
जिन्दगीमा एकपल्ट त पागल भएरै मर्नुको मज्जा बेग्लै |

बिछोड नै सही, एकपल्ट प्रेम गरेरै मर्नुको मज्जा बेग्लै,
रेटेरै नै सही, एकपल्ट प्रेम भेटेरै मर्नुको मज्जा बेग्लै|