लेखा समिति सदस्यले भने- निर्देशक खड्का नै संस्थागत कालोबजारीमा

-नेपाल आयल निगमका कार्यकारी निर्देशक गोपालबहादुर खड्काको लिखित निर्देशनमा मंसिर ३ गते भलबारी डिपोबाट स्वयम्भूस्थित हाम्रा पेटोलियमलाई दिन भन्दै ना४ख७१४५ नम्बरको ट्यांकरमा २० हजार लिटर दरले उपलब्ध गराइरहेका छन्। 

 

इन्धन कारोबार गर्ने एक मात्र सरकारी संस्था आयल निगम स्वयम् कालोबजारीमा लागेको तथ्य पेश गर्दै सोमबार लेखा समितिमा त्यसका सदस्य रामहरि खतिवडाको भनाइ उद्धृत गरी नागरिक दैनिकले छापेको छ। 

 

निगमका कार्यकारी निर्देशक खड्काको मिलोमतोबिना अन्य पदाधिकारीले यस्तो काम गर्न सक्तैनन् भन्दै खतिवडाले समितिमा भने, 'कालोबजारी गर्ने निगमकै कर्मचारीमाथि कारबाही गर्नुपर्छ।' 

 

समितिमा उपस्थित वाणिज्य तथा आपूर्तिमन्त्री गणेशमान पुनले 'छानबिन भइरहेको' जानकारी गराएका थिए।