काठमाडौं । मन्त्रिपरिषद् बैठकले नेपाल आयल निगमका कार्यकारी निर्देशक चण्डिकाप्रसाद भट्टलाई पदबाट हटाएको छ । आफ्नो दललाई रकम नउठाएको भन्दै आपुर्ति मन्त्री सुनिल बहादुर थापा र राज्यमन्त्री गिरी बहादुर केसीले यस अघि नै भट्टलाई हटाउन चाहेका थिए । उनीहरु राष्ट्रिय प्रजातन्त्र पाटी (राप्रपा) का तर्फबाट मन्त्री बनेका हुन् । भट्टलाई कार्यकारी निर्देशकबाट हटाउन पेट्रोलियम व्यवसायीले पनि दवाव दिएका थिए । स्वचालित मुल्य, पेट्रोलियम पदार्थको मूल्य घटे अनुसार ट्यांकरको ढुवानी भाडा समायोजन, ग्यासको कोटा वृद्वि नगर्ने अडान जस्ता सुधार कार्यक्रम थालेपछि पेट्रोलियम व्यवसायी कार्यकारी निर्देशकसँग रुष्ट भएका थिए । भट्टलाई हटाएर निगममा सडक विभागका इन्जिनियर गोपालबहादुर खड्कालाई नियुक्त गरेको जानकारी दिइएको छ । 

http://www.sahakarikhabar.com/?p=5311