Posted by: metta September 30, 2015
Login in to Rate this Post:
0
?
मन्त्रीकै सम्पर्कमा छैनन् प्रधानमन्त्री, कुटनीतिक भेट शून्य
नाकाबन्दी भएदेखि क्याबिनेट नै बसेन
१३ असोज, काठमाडौं । भारतको नाकाबन्दीका कारण जनजीवन कोलाहलपूर्ण बनिरहेको छ । तर, के तपाई पत्याउनुहुन्छ, नाकाबन्दी सुरु भएयता एकपटक पनि मन्त्रपरिषद बैठक बसेको छैन ।
मंगलबार मन्त्रालयमै भेटिएका मन्त्री बस्नेतले भने, ‘प्रधानमन्त्रीले किन हो, क्याबिनेट डाक्नुभएको छैन । नाकाबन्दीको विषयमा अहिलेसम्म मन्त्रीहरु बसेर एकचोटि पनि छलफल गर्न पाएका छैनौं ।’
क्याबिनेट बैठक नबस्दा र प्रधानमन्त्रीबाट कुनै नीति निर्देशन पनि नआउँदा मन्त्रीहरु कुहिरोको कागजस्तै बनेका छन् । अहिलेको संकट टार्न सरकारले के गर्दै छ भनेर कुनै मन्त्रीलाई सोधियो भने ‘कुटनीतिक पहल हुँदैछ’ भन्नेबाहेक उनीहरुसित कुनै जवाफ छैन । क्याबिनेट नबसेका अवस्थामा प्रधानमन्त्रीसित अधिकांश मन्त्रीहरुको सोझो सम्पर्क पनि हुँदैन ।
प्रधानमन्त्रीको कुटनीतिक भेटघाट शून्य
नाकाबन्दी हटाउन सरकारले कुटनीतिक पहल गरिरहेको भने पनि ठोस रुपमा केही भएको छैन । पछिल्ला दिनमा प्रधानमन्त्रीको कुटनीतिक भेटघाट शून्य छ ।
http://www.onlinekhabar.com/2015/09/333301/