नेपालमा ल्याब परीक्षण हुँदै
भारतमा अखाद्य पदार्थ भेटिए पछि विवादीत बनेको म्यागी चाउचाउ नेपाली बजारमा पनि पाइने गर्छ। म्यागीमा अखाद्य पदार्थ भेटिएपछि खाद्य तथा गुण नियन्त्रण विभागले त्यस तर्फ चासो देखउँदै परीक्षण थालेको छ। भारतको उत्तराखण्ड र हिमाञ्चल प्रदेशमा उत्पादित म्यागी चाउचाउको ल्याव परीक्षण भइरहेको खाद्य तथा गुण नियन्त्रण विभागका प्रवक्ता पूर्णचन्द्र वस्तीले बताए। उनका अनुसार परीक्षणको नतिजा दुई दिन भित्र आउने र त्यस पछि गुणस्तरबारे सरकारको आधिकारिक धारणा आउने बताए।
ल्याब परीक्षणमा म्यागी अखाद्य ठहरिएमा विक्री वितरणमा रोक लगाइने बाणिज्य तथा आपुर्ती विभागका निर्देशक हरिनारायण वेलवासेले बताए। भारतमा उत्पादित म्यागी नेपाली बजारमा समेत आउने गर्छ।