दुर्घटनाग्रस्त टर्किस विमान पार्किङमा, विमानस्थल साढे सात बजेदेखि खुला

 

करिब ५/६ फिट गहिरो खाल्डोमा भासिएको विमानको अगाडिको भाग विशेष ब्लाडरले उचालेर जहाजलाई १०० मिटर पछाडि तानेर रनवेमा पुर्‍याइएको थियो।

 

शनिबार दिउँसो विमानस्थलले पत्रकारहरुलाई पहिलो पटक घटनास्थलसम्म पुर्‍याएको थियो। विमान भासिएको खाल्डो पुरीसकिएको छ भने जहाजको अघिल्लो भागलाई एउटा ट्रकमा राखिएको छ। 

 

विमानले क्षति पुर्‍याएका रनवेका लाइट लगायतका अन्य प्राविधिक कुरा सबै मर्मत सम्भार गरिसकेको विमानस्थलका प्रबन्धक पूर्ण चुडालले जानकारी दिए। 

 

‘अब जहाजलाई पार्किङस्थलसम्म लिनमात्रै बाँकी हो‘, चुडालले भने ‘त्यसपछि विमानस्थलको नियमित सेावा सुरु हुन्छ।‘

 

 

दुर्घटनाग्रस्त टर्किस एयरलाइन्सको विमान निर्माता कम्पनी एयरबसका अधिकारी घटनाका बारेमा बुझ्न आजै काठमाडौं आउने बताइएको छ।

 

उनीहरुले जहाजमा कुनै प्राविधिक कमजोरी भए नभएको अनुसन्धान गर्ने छन्। दुर्घटनाको कारण एकिन नभएपनि जहाज रनवेको बिचबाट नभई बायाँसाइडबाट ल्याण्डिङ भएको र बायाँ चक्का घाँसेमैदानमा पसेपछि विमानको भार त्यति ढल्केकाले विमान अघिल्लो भागपनि घाँसे मैदानमा भासिएको देखिएको विमानस्थल स्रोतले जनाएको छ।

Last edited: 07-Mar-15 08:05 AM