Posted by: Rahuldai April 12, 2013
Login in to Rate this Post:
4
?
Liked by
यो साल पनि ,
पोहर साल जस्तै
फोहर नाल सफा गर्दै,
मोहर सुका नाफा भन्दै
अर्को साल फेरी आउछु भन्दै गयो .
हरेक साल, यसरी नै
मालामाल हुने,
फालाफाल हुने
सपना बेच्दै
रत्न पार्कको हल्लाउदै सुघाउँदै
ओखती बेच्नेको चटके जस्तै
नयाँ साल फेरी आउंदै छ ,
नयाँ माल फेरी आउंदै छ .
आउँदो साल,
यो सालको तालमा न आओस ,
यस्तै चाल र हालमा न आओस ,
केही त नयाँ,
चन्द्रमा दाँया
अलिकति आशा, उमङ्ग
अलिकति जोश र तरंग
जीर्ण पुर्जामा अलिकति उर्जा
बोकेर,
घोकेर
धोकेरै
भए नि आओस ,
नेपाली जनमा
नेपाली मनमा
हराएको मुस्कान
राष्ट्रियताको मुहान
फुलोस फलोस
यसरी नयाँ साल
आओस आओस .