Posted by: Mansoon February 4, 2012
Login in to Rate this Post:
1 
? 
Liked by
?
Liked by
खै यो जिन्दगी पनि के जिन्दगी ?
साला लस्टै सस्तो भयो जिन्दगी ।
झ्याप भाको बेलामा साँढे झै हुने यो जिन्दगी
नखाएको बेला चाँही लुते बिरालो यो जिन्दगी ।
घण्टा हान्न नपाएर काम खोज्दै
लखरलखर यताउती भौतारिन्छ जिन्दगी ।
कामले पेल्न थाले पछी दिक्क लाग्छ आँफैदेखि
भन्छु फेरी साला, यस्तो पनि के जिन्दगी !
बाबुआमाले सोध्छन् नेपालबाट अफिस गइस्?
कस्तो चल्दैछ हँ तेरो जिन्दगी ?
कसरी भन्नु ग्याँस स्टेसनमा दिनरात
घण्टा हानी हानी बित्दैछ मेरो जिन्दगी ।
ठुलो भाग खान भनी आको अमेरिका
लोप्पा पो खायौ है कठै! मेरो जिन्दगी ।
बालेट झिकी हेर्छु जब एउटा चुरोट
किन्न पनि नपुग्ने रित्तो रित्तो छ यो जिन्दगी ।
सानैदेखि बिहे गर्ने ठुलो मेरो रहर थियो
रहर सारा रहरै भो बितिसकेछ आधा जिन्दगी ।
घोर्ले छोरो जन्माएर घरजम गरी बस्छु भन्थे
थुइक्क! अझै कति एक्लै बाँच्नुपर्ने हो यो जिन्दगी ?
आफ्नै देश फर्की जाउ झै लाग्छ कहिलेकाँही
जसोतसो कसो नचल्ला त साला यो जिन्दगी?
गर्नु गुलामी गरिसकिस्, हान्नु घण्टा हानिसकिस्
अब त फर्की देशमा, आँफै केही गर भन्छ यो जिन्दगी ।