The Problem is Nepal does not have extradition treaty with the USA>
नेपालमा आर्थिक अपराध गरेर विदेशमा लुक्नेहरू धेरै छन्
By karobardaily - Fri Feb 03, 11:44 am
उपेन्द्रकान्त अर्याल
प्रहरी नायब महानिरीक्षक (डीआईजी)
केन्द्रीय अनुसन्धान ब्युरो (सीआईबी) प्रमुख
नेपालमा अपराध गरेर सजिलै विदेश भाग्ने प्रवृत्तिले पनि समस्या देखिएको छ । यसलाई कसरी हेर्नुभएको छ ?
यस्तो प्रवृत्ति देखिएको छ । यसले हामीलाई पनि समस्या पारेको छ । जस्तैः क्यापिटल मर्चेन्टबाट रकम लिएर फरार भएका पवनकुमार कार्की अहिले अमेरिकामा लुकेका छन् । यस्ता थुप्रै उदारण छन् । धेरै मान्छे नेपालमा आर्थिक अपराध गर्ने र विदेशमा बस्ने गर्छन् । त्यस्ता व्यक्तिलाई नेपाल आउन बाध्य पार्ने कानुन छैन । ती व्यक्ति नेपालको कानुनअनुसार कारबाहीको दायरामा आउन कठिन छ । नेपाल आउन बाध्य पार्न कुनै कानुनी व्यवस्था नभएकाले पनि नेपालमा आर्थिक अपराध गरेर भागेका मान्छेलाई नेपालमा ल्याउन गाह्रो भएको छ ।
इन्टरपोलमार्फत काम हुँदैन र ?
इन्टरपोलमार्फत रेड कर्नर नोटिस जारी गरिसकेपछि पनि त्यो देशको कानुन समेत हेर्नुपर्छ । उसलाई फिर्ता पठाउन मिल्छ कि मिल्दैन, त्यो देशको कानुनमा भर पर्छ । त्यस कारणले सन्धि नै हुनुपर्छ ।