मैले पुण्य मनपराएँ

मैले पुण्य मनपराएँ
या पाप मनपराएँ
जे होस् मैले तिमीलाई
चुपचाप मनपराएँ

जब फुल र काँडा दुइटा
सँगै रमाउन सक्छ
जब दागको रंगमा पनि
टिका समाउन सक्छ
नसोध मैले वरदान  या
पाप मनपराएँ
जे होस् मैले तिमीलाई
चुपचाप मनपराएँ

तिमीसँग लिनुपनि छ
तिमीलाई दिनुपनि छ
हाम्रो हिसाब किताबमा
सच्याउनु पनि छ
यो हिसाब भुलेर तिमीलाई
बेहिसाब मनपराएँ
जे होस् मैले तिमीलाई
चुपचाप मनपराएँ
जे होस् मैले तिमीलाई
चुपचाप मनपराएँ