एभरेष्ट सम्बाददाता न्युयोर्क- अमेरिकामा बस्ने नेपालीहरुको पुरानो सस्था एएनएमा अहिलेसम्मको सवैभन्दा बढि रकम हिनामिना गरेको छानवीन समितिको प्रतिवेदनले देखाएको छ । २८ वर्ष अघि स्थापना भएको यो सस्था एएनए -एसोसियसन अफ नेपालिज इन अमेरिका) को इतिहासमा अहिलेसम्मकै सबैभन्दा बढि ८६ हजार १ सय ७६ डलर सस्थाले नोक्सान वेहोर्नु परेकेा प्रतिवेदनले देखाएकेा छ । हरेक वर्ष अमेरिकाभरिका नेपालीहरुलाई एक ठाउमा भेला गराउने उद्धेस्य अनुरुप जुलाई महिनाको पहिलो हप्ता तीन दिनसम्म एएनए सम्मेलन आयोजना गदै आएको छ । यसै सिलसिलामा गत जुलाईको पहिलो हप्ता भएको एएनएको २८ औ सम्मेलनले त्यतिको धेरे नोक्सानी बेहोर्नु परेकेा प्रतिवेदनले उल्लेख गरेको छ । बोष्टन सम्मेलनमा आयोजकले १ लाख ७० हजार ९ सय १८ खर्च गरेकोमा ८४ हजार ७ सय ४२ मात्र आम्दानी गरेको देखाएको छ । खर्चकै सिलसिलामा आयोजक सस्थाले बोष्टनको पार्क प्लाजा होटलमा मात्र ५३ हजार ३ सय ५३ डलर तिर्नु परेको जनाएको छ । आयोजक एएनएका अफिसर, जिविएनसीका पदाधिकारीहरु र सम्मेलनमा बोलाएका पाहुनाहरुले उक्त होटलमा प्रति व्यक्ति २ सय २६ डलरदेखि १ हजार १९ डलरसम्म तिरेका हिसावमा उल्लेख गरेको छ । बोष्टन सम्मेलनमा भएको आर्थिक हिनामिना सम्बन्धमा गठित तीन सदस्यीय छानवीन समितिमा नविन दत्त पुर्व अध्यक्ष -कोलोराडो) , अनिल पाठक पुर्व कोषाध्याक्ष -भर्जिनिया) र हरि कुमार शर्मा अडिटर -भर्जिनिया) लाई छानिएको थियो । एएनएले हरेक वर्ष आयोजना गदै आएको सम्मेलनमा सम्बन्धीत अमेरिकी राज्यमा बसोबास गदै आएको नेपाली सस्थाको सहयोगमा साझेदारी आयोजकको रुपमा सम्मेलन गदै आएको छ । यसै सिलसिलामा बोष्टनमा भएको २८ औ सम्मेलनको लागी एएनएले बोष्टनस्थित नेपाली सस्था ग्रेटर बोष्टन नेपाली सोसाइटी -जिविएनसी) संग मिलेर साझेदारी आयोजकको भुमीका निभाएका थिए । वर्षभरिकै ठुलो मानिने एएनएको यो सम्मेलन सम्पन्न गर्नका लागी दुबै सस्था वीच आपसी लिखित सम्झौता गरेका थिए । उनीहरु वीच सम्मेलन गर्दा आर्थिक व्यवस्थापना एवं कार्यक्रमबाट हुने नाफा नोक्सान व्यवस्थापनको जिम्मेवारी लिने बारेमा कार्यक्रम हुनु दुई महिना अघिनै लिखित सम्झौता गरेका थिए । बोष्टन सम्मेलनमा आर्थिक हिनामिना भएपछि एएनएका पुर्व अध्यक्षहरु तथा एक्जुकेटिभहरुको पहलमा छानवीन समिति गठन गरेका थिए । प्रतिवेदनले के भन्छ समितिले दुई महिना लगाएर बनाएको प्रतिवेदनले एएनएन सम्मेलन अवधीमा गरेकेा हिसावहरु पारदर्सि ढंगले नराखेको,कार्यक्रममा गरेका खर्च शिर्षकको विल भर्पाई नभएको उल्लेख गरेको छ । ६ सय डलर भन्दा माथिको कारोबार गर्दा चेकबाट गरि दुई जनाले हस्तक्षर गर्न पर्नेमा त्यसो नगरेको , रकम भुक्तानीबारे लेखिएको विवरणलाई विल वा भौचरले पुष्टि गर्न नसकेको, व्यक्तिगत रुपमा आयोजकले होटल बसाई, खानपान र डि्ङगसको विल समेत सस्थाको नाममा राखेको छ जुन स्वीकार्य छैन । सस्थामा भएको आम्दानीलाई पहिला बैकमा जम्मा गरि भुक्तानी गर्न पर्ने ठाउमा चेक दिनुपर्ने सामान्य मान्यतालाई एएनएले नपछयाएकेा समितले पत्ता लगाएको जनाएको छ। नेपाली कलाकार र सास्कृतिक समुहलाई दिएको भुक्तानीमा पनि रकम फरक परेकेा र उनीहरुलाई दिएको यातयात खर्च र टिकटको रकम पनि दिएको र पेश गरेकेा फरक देखिएको छ । यस्ता खर्च शिर्षकको विभिन्न त्रुटिहरुको समेटेको ३० पेज लामो लामो उक्त प्रतिवेदनले एएनएको स्थापना बारेदेखि एएनए सम्मेलनमा भएको हरेक शिर्षकको हिसाबको खर्च र नाफासंगै एएनएले जिविएनसिसंग सम्मेलन गर्न अघिको र कार्यक्रम गर्दा दुबै सस्था मिलेर बोष्टनको होटलसंग गरेको लिखित सम्झौता पत्र र केही इमेलहरु संलग्न गरेको छ । छानवीन समितिको प्रतिवेदन प्राप्त भएपछि एभरेष्टटाइम्सले एएनएका अफिसरहरुसंग बारम्बार सम्पर्क गर्दा पनि सम्पर्क हुन सकेनन । छानवीन प्रतिवेदन सार्वजनिकपछि बोष्टन सम्मेलनमा भएको आर्थिक हिनामिनाको कारण अहिले एएनएभित्रको अधिकांस एक्जुकेटिभहरुले गत डिसेम्बर १२ मा अकास्मिक बैठक बसी अफिसरहरु विनाको तदर्थ समिति चयन समेत गरेको छ । एएनएको पुर्वनिधारित लक्ष्य र उद्धेस्य पुरा गर्न समितिले जिम्मेवारी बहन गर्ने भएको छ । एएनएभित्र ५ जना अफिसर र १६ जना एक्जुकेटिभ रहेको छ । सस्थाभित्रको अध्यक्ष, उपाध्याक्ष, महासचिव , सुचना अधिकृत र कोषाध्याक्षलाई एएनएले अफिसरकेा रुपमा नामकरण गरेको छ । 'बोष्टन सम्मेलनमा भएको आर्थिक गडबडी र केही व्यक्तिवादी सोचले एएनए जस्तो पवित्र सस्थालाई बन्दी बनायो' एएनएका एक्जुकेटिभ डा. शम्भु ढुङगानाले एभरेष्ट टाइम्सलाई भने- 'लामो इतिहास बोकेको यो सस्थालाई फराकिलो मनले माथि उठाउनु पर्ने हामी सवैको साझा कर्तव्य हो' । उनका अनुसार बोष्टन सम्मेलनको हिसाब किताबको बारेमा एएनएका ५ जना अफिसरहरुले एक्जुकेटिभहरुलाइ जानकारी गरेका थिएनन । प्रतिवेदन प्रकाशित भए लगतै सस्थाले होटलमा तिर्नु पर्ने सवै तिरिसकेपनि अझै करिब ५० हजार डलर भन्दा बढि रकम अरुलाई दिनु पर्ने बाकी रहेको छ । वर्षनी अमेरिकाबासी नेपालीलाई एक ठाउमा भेला गराउने आगामी एएनए सम्मेलनलाई सफल बनाउनका लागी पनि तद्धर्थ समिति बनेको हो । डा.ढुङगानाको नेतृत्वमा बनेको समितिमा अनन्त रिसाल, भुवन तिमिल्सिना र श्रीराम दाहाल रहेका छन । उता बोष्टन सम्मेलनको आर्थिक समस्या समाधानका लागी भने एएनएको ४ जना अफिसरनै लाग्ने भएको ढुङगानाले बताए । आर्थिक छानवीन समितिले भने बोष्टन सम्मेलनमा संलग्नता भएको एएनएका अफिसरलाई आगामी कोलोराडोमा हुन लागेको एएनएको सम्मेलनमा सहाभागीता नगराउनु भने बमोजिम अहिलेको तद्धर्थ समितिमा नराखेको उनले बताए । एएनएमा अहिले अफिसरको रुपमा अध्यक्षमा सिमोन ढुङगाना, उपाध्याक्षमा मेदीनी अधिकारी, महासचिवमा धीरेन गुरुङ, सुचना अधिकृतमा श्रीष भोजपुरे र कोषाध्याक्षमा उत्सव गुरुङ रहेका छन । बोष्टनमा भएको आर्थिक गडबडीको कारण अफिसर तथा उपाध्याक्ष अधिकारीले भने यस अघिनै राजीनामा दिइसकेका छन । अफिसरहरु नराखेर एक्जुकेटिभहरुले मात्रले गरेकेा बैठकको निर्णयबाट गठन गरेकेा तदर्थ समितिलाई एएनएका आजीवन सदस्यहरुले स्वागतयोग्य कार्य गरेको भनी इमेल मार्फत सबैलाई धन्यवाद दिएका छन । ' जुनसुकै अवस्थामा भएपनि यो ऐतिहासिक सस्थालाई हामी अघि बडाउछौ तर अफिसरबाट भएको कमजोरीलाई वहाहरुलेनै समाधान गर्नू हुनेछ' डा ढुङगानाले बताए । Income Source | Amount | Notes | Registration and Tickets | $53,724.03 | At the desk. Could not be verified in the absence of proper documentation. |
| $24,118.50 | Through PayPal | Food Vendors | $6,650.00 | Could not be verified in the absence of proper documentation. | Other Income | $250.42 | Could not be verified in the absence of proper documentation. | Total Income | $84,742.95 |
| Cultural Programs | "Dohori~ Night | $4,500.00 | Fashion Show | $6,619.75 | Cultural Programs — Other | 11,866.00 | Forum Expenses | $380.00 | Guest and Volunteer's Meal | $4,315.34 | Hotel | Holiday Inn, Somerville, MA | $7,370.94 | Hotel Park Plaza and Towers | $39,941.44 | Hotel Expenses — Others | $880.00 | Legal Fees |
| $1,890.00 | Other Expenses |
| $948.92 | Photography Expenses |
| 1,973.00 | Printing Expenses |
| $17,110.88 | Security Expenses |
| $15,069.54 | Sports |
| $18,387.25 | Supplies |
| $9,182.48 | Videography Expense |
| $3,500.00 | Visa Processing Fees |
| $1,320.00 | Total Expenses |
| $170,918.75 | |