? 
यो चाँही आउँदै गरेको दशै र तिहारलाई सम्झेर
साबित्री शाह, युक्त गुरुङ
दाई त मेरो लाहुर जाने
म बहिनी त सम्झेरै रोइरहने
आफ्नो घर फर्केर आउँला हो
सम्झी सम्झी मै चिट्ठी पठाउँला
दशै आउँला, तिहार आउँला निधारमा को टिका लगाउँला?-२
मखमली फूलको थुङा टिपी माला गाँसी मै रोइरहुँला - २
दशैं आउँदा, तिहार आउँदा घर सम्झी मै फर्की आउँला - २
बहिनी तिमीलाई बुट्टे सारी माथि मखमले चोलिया ल्याइदिउँला - २
दाई त मेरो लाहुर जाने
म बहिनी त सम्झेरै रोइरहने
आफ्नो घर फर्केर आउँला हो
सम्झी सम्झी मै चिट्ठी पठाउँला
थाली भरी अक्षता लिई बुढा बाबा बसेर पिढीमा - २
आइपुगेनन् छोरो मेरो भन्दै झुल्के घाममा मुलबाटो हेर्ने छन् - २
बर्ष दिनको आशिस थाप्न लाहुरबाट मै घर आउने छु - २
फूलपाती ढाका टोपी ओढी बाबाआमा दुबैलाई ढोग्ने छु - २
दाई त मेरो लाहुर जाने
म बहिनी त सम्झेर रोइरहने
आफ्नो घर फर्केर आउँला हो
सम्झी सम्झी मै चिट्ठी पठाउँला
म बहिनी त सम्झेर रोइरहने
सम्झी सम्झी मै चिट्ठी पठाउँला