पर्सा, वैशाख २६ -
पर्साको गादी ८ रंगपुर टोलका भगन माझीले पालेको सुंगुरले आइतबार विहान
हात्तीको छावा जस्तै शारिरीक आकार भएको पाठो जन्माएको छ ।

माझीले पालेको सुंगुरले पहिलो बेतमा अनौठो पाठो जन्माएको हो । पाठोको तौल
करिब ९ किलो रहेको स्थानिय बासिन्दाले बताएका छन् । रंगपुर प्रहरी चौकीले
पनि घटना बारे पुष्टी गरेको छ । पाठोको हात्तिको जस्तो सुड, कान, मुख, रंग,
खुट्टा समेत रहेको थियो ।

पाठो बिहान १० बजे जन्मिएको र साँझ ५ बजे मरेको चौकीका प्रहरी जवान संजिव
पटेलले बताए । माझीको सुंगुरले हात्तीको छावा जस्तै सुंगुर जन्माएको खवरले
स्थानिय तथा आसपासका गाविसबाट ठूलो संख्यामा अनौठो पाठो हेर्न आउनेहरुको
माझीको घरमा भिड लागेको थियो ।  सदरमुकाम वीरगन्जबाट करीब ४० किमी उत्तर
पश्चिममा उक्त गाबिस रहेको छ ।