मारिहाल्नुपर्ने स्थिति थिएन'-
भोजराज भाट, काठमाडौँ, चैत २५- व्यवस्थापिका संसदको महिला तथा बालबालिका समितिले वर्दियाको बाँसपानीमा एक बालिकासहित तीन महिला मारिएको घटना रहस्यमय भएको भन्दै सेनाले प्रमाण नष्ट गर्न भूमिका खेलेको ठहर
भोजराज भाट, काठमाडौँ, चैत २५- व्यवस्थापिका संसदको महिला तथा बालबालिका समितिले वर्दियाको बाँसपानीमा एक बालिकासहित तीन महिला मारिएको घटना रहस्यमय भएको भन्दै सेनाले प्रमाण नष्ट गर्न भूमिका खेलेको ठहर
गरेको छ। डा. हरिहर वस्तीसहितको टोलीले गरेको स्थलगत अध्ययनपछि जारी प्रारम्भिक प्रतिवेदनमा घटनालाई
रहस्यमय' भनिएको छ। घटनास्थलमा घटना भए लगत्तै प्रहरीलाई आफ्नो हिसाबले तयार पारेको मुचुल्कामा सेनाले हस्ताक्षर गर्न लगाएको प्रतिवेदनमा उल्लेख छ। सेनाले शिकारीहरुले गोली हानेपछि प्रतिकारस्वरुप फायरिङ गर्दा उनीहरुको मृत्यु भएको आधिकारिक धारणा सार्वजनिक गर्दै आएको छ।
समितिको प्रारम्भिक प्रतिवेदनमा ती महिला र बालिकामाथि बलात्कारसमेत भएको हुनसक्ने आशंका गरिएको छ। यद्यपि यसमा बलात्कारको पुष्टी भएको ठोस विवरण भने छैन।
यसअघि राष्ट्रिय मानवअधिकार आयोगको प्रतिवेदनमा पनि बलात्कार भएको पुष्टी हुने कुनै आधार फेला नपरेको उल्लेख छ। तर, मानवअधिकारवादी संस्था इन्सेकले जारी गरेको प्रतिवेदनमा भने बलात्कार भएको उल्लेख छ।