बालाजु माथि होनी नारान साहिली र माहिलीका ताँती
एउटी आउँछु भन्थिन् रेशमी चुल्ठो बाटी
जमदारलाई पनि ढाँटी सुबेदारलाई पनि ढाँटी
कस्ती रहिछिन् (बाठी) मै जस्तालाई ढाँटी
मंगलबारे गन्नुमय जदौ सबै गाम्लेहरुलाई। पात्रो अनुसार आज पूर्णे, अनि हनुमान जयन्ती हुनुका साथै बाइस धारामा मेला लाग्ने अनि देवीघाट जालपादेवी मेला पनि रहेछ।
ठुल्दाइ र रामे, त्यतातिर त बाढीको त्रास पो छ भन्छन् नि। बाढीबाट बच्नुहोला, झरीमय दिन परीमय होस्।
बाउचा र पूरे त कि बालाजु कि देवीघाट होलान् पक्कै पनि। बिर्खे बुढो पनि बाइस धारा अघिको चौरमा बसेर टोलाइरहेको होला। बाढीले मिर्दी खोलाको पुल नबगाएको भए रामे पनि त्यतै पुगिसक्दो हो। पून्टे बुढो पनि ट्याक्सीको पहिलो ट्रिप त्यतैको, फर्किने मान्छे तुरुन्तै पाइने होइन भनेर घाममा तालु तताउँदै त्यतै होला। रिट्ठेको पनि त्यतै जाने सुर हुँदो हो बिचरा काठमाडौं जाने टिकटै नपाएर बिराटनगरमै अल्झिएछ। बिष्टे त जाममा फस्या होला। अरु कुरो त्यस्तै हो, यसो चिया खुवाउने पनि कोही रहेनन् चौतारीमा। महिला समूहले किन अघोषित बहिश्कार गरेको हो, छानबीन गर्नु पर्यो।