नयाँ
पत्रिका

राजनीतिमा
सक्रिय नेताहरूको दिनचर्या सभा-सम्मेलन, मिटिङ, भाषण, आन्दोलनआदि मात्र
होइन, उनीहरूको व्यक्तिगत जीवन पनि हुन्छ, जहाँ जहान-परिवार र घरायसी
व्यवहारका 'झमेला' ले पछ्याउने गर्छन्　। यद्यपि, कतिपय नेताहरूले
जीवनको यस पाटोलाई उपेक्षा गर्दै अविवाहित जीवन बिताइरहेका छन्　।

'मलाई
बिहे गर्ने इच्छा लागेन, तर अरूका लागि जोडी खोजिदिने काम गर्दै आएकी छु,'
उनले नयाँ पत्रिकासँग भनिन्　। बालबच्चाको च्याँच्याँ र
म्याँम्याँ झेल्दै राजनीतिक र सामाजिक भूमिका निर्वाह गर्न अप्ठेरो
होलाजस्तो लागेर बिहे नगरेको उनको भनाइ छ　। ४६
वर्षीया राईले भनिन्, 'मैले जीवनभर बिहे नगर्ने पक्का गरिसकेकी छु　।'

बिहे
नगरी बस्दा पनि उनलाई कुनै अप्ठेरो लागेको छैन　। 'केको
अप्ठेरो हुनु नि ? आफ्नो काम आफैँ गरिहाल्छु, बाँकी समय राजनीतिक कामका
लागि दिएकी छु,' उनले भनिन्　। भोजपुर जिल्ला विकास
समितिको पूर्वसभापतिसमेत रहेकी राई भोजपुर सदरमुकाममा भदिनीसँगै बस्छिन्　।
भदिनी कलेज जाने भएकाले बिहानबेलुकाको खाना उनीहरू मिलेर पकाउँछन्　।
एमाले नेतृ राई आफ्नो लुगा आफैँ धुन्छिन्　।
सदरमुकाममा भदिनी तथा गाउँको घरमा बाबुआमा र दाजु-भाउजू उनका परिवार हुन्　।
पतिका बारेमा त उनले जीवनमा कल्पना पनि गरेकी छैनन् रे　।
'बिहे नै गर्दिनँ भन्ने निधो भएपछि कस्तो पति होला भनेर के कल्पना गर्नु
?' उनले भनिन्　।

Source: http://www.nayapatrika.com/newsportal/permalink/11552.html