Posted by: chanaa_tarkaari December 9, 2009
Login in to Rate this Post:
0 
? 
?
दिन दुइगुणा रात चौगुणाको दरमा देश ओरालो लागेको छ, राज्य ब्यबस्था अस्तब्यस्त छ । सुशासन, नियम र इमान्दारिता जोकको विषय भएको छ, नेपाल जस्तै नेपालीहरु पनि अन्तरविरोधयुक्त मानसिकताले ग्रस्त छन । जे भन्छन त्यो गर्दैनन् जे गर्छन त्यो भन्दैनन ।
लोकतन्त्र गणतन्त्र आइसक्यो तर पनि उत्पीडित र अन्यायमा परेकाहरूको लागि केइ न केइ । उहि बासि अनुहार उहि भ्रष्ट मान्छेहरु उहि जमात र उहि निर्लज्ज तौरतरीकाले जताततै राज गरेको छ । सर्वसाधारण र निम्न तथा गरिखाने मानिसका लागि राज्यको दृष्टिकोण, ब्यबहार सरसुविधा एकथोपा बदलिएको छैन । सरकारमा जुनसुकै सिद्धान्त वा पार्टीको नेता पुग्दा पनि सरकार चलाउने तौरतरीका उस्तै छ । परीवर्तनको आभाष गराउन तिनीहरु पुरै विफल छन र जनता पुरै निराश छन ।
त्यसमाथि हरेक ठूला दलमा मुख्य नेता कमजोर हुँदै छन् । माओबादीमा प्रचण्डको कुरालाइ कतिपल्ट धोति लगाइदियो गनि साध्य छैन । गिरीजाको साख काँग्रेसमा ह्वात्तै घटेर कृष्णप्रसाद हुनेतिर लम्केको छ । माधव, झलनाथ र ओलि कोहि पनि एमालेमा आफ्नो नेतृत्त्व पकड देखाउने हैसियत राख्दैनन । मधेशि नेताहरु पनि हलुँगो छन । यो नेता गतिलो छ भनेर विश्वास दिन लायक, आशा गर्न लायक कोहि देखा परेका छैनन ।
जनजीवनमा प्रत्यक्ष प्रभाव पार्ने स-साना कामको लागि पनि आन्दोलनै गर्नु पर्ने स्थीति छ, दबाव नदिएसम्म केहि पनि नहुने, बलिया बाँगाले जे गरे पनि हुने जस्ता राज्यहिनताले समग्र देशलाइ चरम निराशातिर लगेको छ ।
निराशाको वातावरण झनझन बढ्दो छ, नजानिदो पारामा हाम्रो समाज धार्मिक, जातीय, क्षेत्रिय कट्टरतामा डुब्दैछ। बढ्दो अव्यबस्था, घट्दो राजनीतिक पकड, बढ्दो जातीय-क्षेत्रीय द्वेष, राज्यहिनता तथा उत्पिडित वर्गका जायज माग तथा आकांक्षामाथि उपेक्षा हुने स्थिति का साथै गञ्जागोल राजनीतिक वातावरण तथा अनिश्चित भविष्य ले सर्वसाधारणलाइ बिस्तारै पार्टी राजनीतिबाट बिमुख बनाउदै जातिय क्षत्रीय राजनीति तर्फ डोर्याउदै छ । यसको स्पष्ट संकेत भनेको नेपाल तालिवानिकरणको दिशामा लम्केको नै हो ।
तालिवानिकरण भन्नाले अफगानिस्तानमा एकसमय सामान्य विद्यार्थी आन्दोलनबाट शुरु भएर आगो सरी फैलिएको धर्मान्ध सैनिक गुटबन्दी हो, जसलाइ अफगानिस्तानी सत्ताबाट धपाउन अमेरीका नै ओर्लनु परेको थियो । नेपालमा त्यस्तै प्रकृतिको अन्धो सैनिक गुटबन्दी कुनैपनि बेला शुरुहुने र आगोसरी फैलने सम्भावना छ, ती शायद जातीय र क्षेत्रीय गुटबन्दी हुन बेर छैन । वर्तमान राजनीतिले निश्चय नै देशलाइ तालिवानिकरण तर्फ तीब्र गतिमा धकेलिरहेको छ जस्तो मलाइ लागेको छ, तपाइहरुलाइ कस्तो लाग्छ कुन्नि ?
Last edited: 09-Dec-09 07:09 PM